Silver Astro: ఈ రాశులవారు వెండిని అస్సలు ధరించొద్దు..! జ్యోతిష్య నిపుణుల హెచ్చరిక ఇదే
Silver: జ్యోతిష్య శాస్త్రం ప్రకారం, వెండి అన్ని రాశుల వారికి శుభాన్ని అందించవు. కొన్ని రాశుల వారికి వెండి ధరించడం వల్ల అనుకోని మానసిక, ఆర్థిక సమస్యలు ఎదురయ్యే అవకాశం ఉందని జ్యోతిష్కులు హెచ్చరిస్తున్నారు. అసలు వెండి ఏ గ్రహానికి సంబంధించినది? ఎవరు ధరించవచ్చు? ఎవరు దూరంగా ఉండాలి? ఇప్పుడు పూర్తిగా తెలుసుకుందాం.
బంగారానికి ఏమాత్రం తగ్గకుండా వెండి ధరలు రోజురోజుకూ పెరుగుతున్న నేపథ్యంలో వెండి ఆభరణాల వినియోగం కూడా విస్తరిస్తోంది. ఉంగరాలు, బ్రాస్లెట్లు, గొలుసులు మాత్రమే కాదు.. కొంతమంది బంగారానికి ప్రత్యామ్నాయంగా వెండిలో పెట్టుబడులు పెట్టడానికీ ఆసక్తి చూపిస్తున్నారు. కానీ, జ్యోతిష్య శాస్త్రం ప్రకారం, వెండి అన్ని రాశుల వారికి శుభాన్ని అందించవు. కొన్ని రాశుల వారికి వెండి ధరించడం వల్ల అనుకోని మానసిక, ఆర్థిక సమస్యలు ఎదురయ్యే అవకాశం ఉందని జ్యోతిష్కులు హెచ్చరిస్తున్నారు. అసలు వెండి ఏ గ్రహానికి సంబంధించినది? ఎవరు ధరించవచ్చు? ఎవరు దూరంగా ఉండాలి? ఇప్పుడు పూర్తిగా తెలుసుకుందాం.
వెండి – చంద్రునికి సంబంధించిన లోహం..
వెండి ఎవరికి శుభం.. ఎవరికి అశుభం..?.. జ్యోతిష్యుల అభిప్రాయం ప్రకారం, జల రాశులకు వెండి శుభప్రదం. కర్కాటకం, వృశ్చికం, మీన.. ఈ రాశుల వారు వెండి బ్రాస్లెట్లు, ఉంగరాలు ధరిస్తే మానసిక బలం, ఆత్మవిశ్వాసం పెరుగుతుందని చెబుతారు. వెండి ధరించకూడని రాశులు.. అగ్ని తత్త్వానికి చెందిన రాశుల వారు వెండికి దూరంగా ఉండాలని జ్యోతిష్య నిపుణులు సూచిస్తున్నారు. మేషం, సింహం, ధనస్సు రాశులవారు వెండి ఆభరణాలకు దూరంగా ఉంటే మంచిది.
మేష రాశి.. మేష రాశి అధిపతి కుజుడు (అగ్ని స్వభావం). చంద్రుని శీతల స్వభావం మేష రాశివారిలో.. ఆత్మవిశ్వాసం తగ్గడం, అనవసరమైన మానసిక గందరగోళం, కలిగించవచ్చని నమ్మకం. అందుకే ఈ రాశి వారి వెండి ఆభరణాలకు దూరంగా ఉంటే మంచిది.
సింహ రాశి.. సింహ రాశి అధిపతి సూర్యుడు. వెండి ధరించడం వల్ల.. వ్యక్తిత్వంలో మందగింపు, సోమరితనం, ఉత్సాహం తగ్గడం లాంటివి జరిగే అవకాశముందని జ్యోతిష్యులు చెబుతున్నారు. వీరి కూడా ప్రతికూల ప్రభావాలకు గురయ్యే అవకాశం ఉన్నందున వెండికి దూరంగా ఉంటే మంచిది.
ధనుస్సు రాశి.. ధనుస్సు రాశి అధిపతి గురువు (బృహస్పతి), బంగారంతో సంబంధం ఉన్న గ్రహం. వెండి ధరించడం వల్ల ఆర్థిక ఇబ్బందులు, నిర్ణయాల్లో అయోమయం, శుభఫలితాలు తగ్గడం లాంటివి జరిగే అవకాశం ఉందని హెచ్చరిస్తున్నారు. వెండి ధరించేటప్పుడు గమనించాల్సిన ముఖ్య విషయాలు.. సోమవారం, శుక్రవారం వెండి ధరించడానికి శుభదినాలు పురుషులు – కుడి చేతికి స్త్రీలు – ఎడమ చేతికి ప్రతి వ్యక్తి జాతకం భిన్నం కావడంతో, వెండి ధరించే ముందు జ్యోతిష్య నిపుణుడి సలహా తప్పనిసరి. మేషం, సింహం, ధనుస్సు రాశుల వారికి బంగారం ఎక్కువ శుభాన్ని ఇస్తుందని చెబుతారు.
మహిళలు వెండి కాళ్లజోడు ఎందుకు ధరిస్తారు?.. మహిళలు పాదాలకు వెండి కాళ్లజోడు ధరించడం సంప్రదాయంగా వస్తోంది. ఇది సాధారణ ఆచారం కావడంతో దీనికి పెద్దగా జ్యోతిష్య నిషేధాలు లేవు. కానీ, అదే వెండిని చేతికి ఉంగరంగా లేదా కంకణంగా ధరించేటప్పుడు మాత్రం జాగ్రత్త అవసరం. అయితే, జ్యోతిష్యం విశ్వాసాలపై ఆధారపడిన శాస్త్రం. తుది నిర్ణయం తీసుకునే ముందు మీ వ్యక్తిగత జాతకాన్ని పరిశీలించించుకోవడం ఉత్తమం. (Disclaimer: ఈ వార్తలోని సమాచారం జ్యోతిష్య, మత సంబంధమైన అంశాలపై ఆధారపడి ఉంది. దీనిని టీవీ9 తెలుగు ధృవీకరించదు.)