శ్రీకాకుళం స్టైల్ ఉలవకట్టు చారు .. ఇలా వండి తింటే బాడీ మొత్తాన్ని శుద్ది చేస్తుంది
Srikakulam Special Ulava Kattu Charu: శ్రీకాకుళం స్టైల్ ఉలవకట్టు చారు ఇలా వండి తింటే బాడీ మొత్తాన్ని క్లీన్ చేస్తుంది. సమ్మర్లో బెస్ట్ రెసిపీ ఇది. దీనిని అస్సలు మిస్ చేయకండి. మరి, ఇంకెందుకు లేట్ దీనిని ఎలా తయారు చేయాలో ఇక్కడ తెలుసుకుందాం..
కావాల్సిన పదార్ధాలు : ఒక కప్పు ఉలవలు, రెండు ఉల్లిపాయలు, రెండు పెద్ద టమోటాలు, 6 వెల్లుల్లి రెబ్బలు, పచ్చిమిర్చి, రెండు టేబుల్ స్పూన్స్ చింతపండు రసం, అర టీ స్పూన్ పసుపు, ఒక టేబుల్ స్పూన్ కారం, రుచికి సరిపడా ఉప్పు, రెండు టేబుల్ స్పూన్స్ నూనె.
తాలింపు కోసం.. అర టేబుల్ స్పూన్ ఆవాలు, అర టేబుల్ స్పూన్ జీలకర్ర, కరివేపాకు, నాలుగు ఎండు మిర్చి, కొత్తిమీరను తీసుకోవాలి. చివర్లో కొత్తిమీరను వేయడం అస్సలు మర్చిపోకండి. ఇది వేస్తే మంచి రుచి వస్తుంది.
ముందుగా ఉలవలను తీసుకుని వాటిని నీటిలో కడిగి ప్రెజర్ కుక్కర్లో బాగా ఉడికించాలి. ఆ తర్వాత వాటిని మెత్తగా గ్రైండ్ చేసుకోవాలి. ఉలవకట్టును సెపరేట్ చేయాలి.
ఇప్పుడు పాన్ లో ఆయిల్ చేసి వేడి చేసి అర టేబుల్ స్పూన్ ఆవాలు, అర టేబుల్ స్పూన్ జీలకర్ర, నాలుగు ఎండు మిర్చి, కరివేపాకు ఆకులు వేసుకోవాలి. ఆ తర్వాత ఉల్లిపాయ ముక్కలు , వెల్లుల్లిరెబ్బలు , పచ్చిమిర్చిని వేసి గోల్డ్ కలర్లోకి వచ్చే వరకు బాగా వేయించాలి.
టమోటాలు వేసి మెత్తగా అయ్యే వరకు వాటిని ఉడికించాలి. ఇక ఇప్పుడు అర టేబుల్ స్పూన్ పసుపు, ఒక టేబుల్ స్పూన్ కారం, రుచికి సరిపడా ఉప్పును వేసి బాగా కలపాలి. ఆ తర్వాత ఉలవకట్టు, రెండు టేబుల్ స్పూన్స్ చింతపండు రసం కూడా వేసి కొద్దిగా నీళ్ళు పోసి వాటిని బాగా మరిగించాలి. చివర్లో కొత్తిమీరను వేసి చల్లి దింపాలి.