బీరకాయ చికెన్ కూర ఇలా చేస్తే.. ఆహా ఓహో అంటూ ముక్కలు మొత్తం లాగించేస్తారు
బీరకాయ చికెన్ కూర ఎప్పుడైనా చేసారా ? ఇది తెలుగు రాష్ట్రాల్లో కొత్తరకం వంటకంగా చూస్తారు. కానీ, కొన్ని చోట్ల ఈ కూర చాలా ఫేమస్. ఈ రెండింటిని కలిపి వండి టేస్ట్ నెక్స్ట్ లెవెల్. మరి, ఇంకెందుకు ఆలస్యం ఈ రెసిపీకి కావాల్సిన పదార్ధాలు, తయారీ విధానం గురించి ఇక్కడ చూద్దాం..
కావాల్సిన పదార్థాలు : పావు కిలో బీరకాయ ముక్కలు , పెద్ద ఉల్లిపాయ, అర కిలో చికెన్, 4, కట్ చేసిన పచ్చిమిర్చి, ఒక టొమాటో, ఒక టేబుల్ స్పూన్ అల్లం వెల్లుల్లి పేస్ట్, కారం, అర టీ స్పూన్ పసుపు, ధనియాల పొడి, అర టీ స్పూన్ గరం మసాలా, 2 టేబుల్ స్పూన్స్ నూనె, మీరు కూరల్లో తినేంత ఉప్పును తీసుకోండి.
ముందుగా బీరకాయలను తీసుకుని బాగా కడిగి ముక్కలుగా చేసుకోవాలి. అలాగే, చికెన్ ను కూడా ఉప్పు, పసుపు నీటిలో కడగండి.
ఇప్పుడు స్టవ్ వెలిగించి పాన్ పెట్టి దానిలో రెండు టేబుల్ స్పూన్స్ ఆయిల్ వేసి దానిలో బీరకాయ ముక్కలు వేసి రంగు మారే వరకు వేయించి పక్కన పెట్టుకోవాలి.
ఇక ఇప్పుడు అదే పాన్ లో మూడు స్పూన్లు నూనె వేసి, పచ్చి మిర్చి, టమోటా, ఉల్లిపాయ ముక్కలను వేసి వేయించాలి. ఇక ఇప్పుడు ఈ మిశ్రమంలో బీరకాయ ముక్కలు, చికెన్ వేసి 15 నిమిషాలు పాటు మూత పెట్టి బాగా ఉడికించాలి.
చికెన్ ఉడికిన తర్వాత కారం, పసుపు, ఉప్పు, మసాలా పొడులు పొడి వేసి కలిసిపోయే వరకు తిప్పుకోవాలి. చివర్లో కొత్తిమీర కొద్దిగా వేసి కిందకు దించేయండి. అంతే వేడి వేడి బీరకాయ చికెన్ రెడీ.