ఈ ఎనర్జీ డ్రింక్ ఒకసారి తాగితే అస్సలు వదలరు.. హాట్గా తాగొచ్చు కావాలంటే కూల్గా కూడా
A Perfect Summer Special Drink: ఈ ఎనర్జీ డ్రింక్ గురించి ప్రత్యేకంగా చెప్పాల్సిన అవసరం లేదు. ఇవి ఒకసారి తాగితే మళ్లీ మళ్ళీ తాగుతూనే ఉంటారు. ఎందుకంటే, ఇవి అంత టేస్టీగా ఉంటాయి. ఇక ఎండాకాలంలో అయితే ఆ బాదం పాలు తాగితే కూల్ కూల్ గా కడుపులో చల్లగా ఉంటుంది.
చిన్న పిల్లల నుంచి పెద్దల వరకు ఎంతో ఇష్టంగా ఈ బాదంపాలు తాగేందుకు మొగ్గు చూపుతారు. అయితే, వేసవిలో బయట తాగడం కంటే ఇంట్లోనే రుచికరమైన బాదంపాలు ఇలా ఈజీగా తయారు చేసుకోవచ్చు. మరి, ఇంకెందుకు లేట్ దీనిని ఎలా తయారు చేయాలో ఇక్కడ తెలుసుకుందాం..
కావాల్సిన పదార్థాలు: 100 గ్రాములు బాదం, మూడు కప్పుల పాలు, మూడు టేబుల్ స్పూన్లు చక్కెర , అర టేబుల్ స్పూన్ యాలకులపొడి, కుంకుమ పువ్వు, రెండు గ్లాస్ ల నీళ్ళు తీసుకోవాలి.
ముందుగా ఒక గిన్నెలో బాదంను తీసుకుని గోరు వెచ్చని నీటిలో నానబెట్టాలి. ఆ తర్వాత వీటిని తీసుకుని పాలతో మిక్సీలో వేసి మెత్తగా పేస్ట్ గా చేసుకోవాలి. ఇప్పుడు, స్టవ్ వెలిగించి చిన్న పాన్ పెట్టుకుని పాన్ వేడెక్కిన తర్వాత దానిలో పాలు పోసి బాగా వేడి చేసుకోవాలి.
పాలు బాగా వేడెక్కిన తర్వాత బాదం పేస్టును వేసి బాగా మిక్స్ అయ్యేలా కలపాలి. ఆ తర్వాత దానిలో కొద్దిగా చక్కెర, కొద్దిగా యాలకుల పొడి వేసి బాగా మిక్సింగ్ అయ్యేలా కలుపుకోవాలి.
ఇప్పుడు దీనిలోనే కుంకుమ పువ్వును కూడా వేసి 10 నిమిషాల పాటు స్టవ్ మీదే పెట్టుకోవాలి. ఆ తర్వాత గ్లాసు తీసుకుని బాదంపాలు పోసుకుని తాగడమే. మీకు చల్లగా కావాలంటే ఫ్రిడ్జ్ లో పెట్టుకుని తాగొచ్చు.