బియ్యం పిండిలో కాఫీ పౌడర్ ఫేస్ ప్యాక్.. చలికాలంలో మీ ముఖం మరింత కాంతవంతంగా ఉంటుంది..
వృద్ధాప్యాన్ని ఎవరు ఇష్టపడరు..ప్రతి ఒక్కరూ వయస్సును ఒకే చోట ఆగిపోవాలని ఆశపడుతుంటారు. కానీ వయస్సును ఏ చెట్లతోనూ, రాళ్లతోనూ బంధించడం సాధ్యం కాదు. వృద్ధాప్యంతో పాటు చర్మం ముడతలతో చాలా మంది ఇబ్బందిగా బాధపడుతుంటారు. అలాగే, కొందరిలో వయస్సు రాకముందే చర్మం ముడతలు, చర్మంపై నల్లటి మచ్చలు వస్తాయి. అలాంటి వారు పరిష్కారం కోసం ఫేషియల్స్, బ్యూటీ ప్రొడక్ట్స్‌ని ఆశ్రయిస్తుంటారు.
అయితే, ఖరీదైన ఫేషియల్స్, రకాల రసాయనాలను కలిగి ఉంటాయి. అందుకే అవి చర్మంపై అనేక రకాల ప్రభావాలను కలిగిస్తాయి. కాబట్టి ముందుగా జాగ్రత్త వహించాలి. రసాయనాలు కలిగిన ఫేషియల్స్ కంటే ఇంట్లో తయారు చేసుకునే హోం రెమిడీస్‌ మీ చర్మానికి, ఆరోగ్యానికి మేలు చేస్తాయి. అలాంటి వాటితో ఎలాంటి సైడ్‌ ఎఫెక్ట్స్‌ కూడా ఉండవు..
చర్మ సంరక్షణలో హోం రెమెడీస్ బెస్ట్‌ చికిత్సగా పనిచేస్తాయి..బియ్యం పిండిని సౌందర్య సంరక్షణలో ఉపయోగించుకోవచ్చు. ఇందుకోసం ఒక పెద్ద చెంచా బియ్యం పిండి, అందులో ఒక చెంచా కాఫీ పౌడర్ కలపండి. అందులో కొబ్బరి నూనె, ఒక చెంచా పంచదార వేసి బాగా కలపాలి. ఈ స్క్రబ్ చలికాలంలో చాలా బాగా ఉపయోగపడుతుంది.
ఈ మిశ్రామాన్ని ముఖానికి పట్టించి 30 సెకన్ల పాటు బాగా మసాజ్ చేసి స్క్రబ్ చేయండి. ఇప్పుడు ఈ స్టార్చ్ ప్యాక్ అవసరం అవుతుంది. దీనికోసం అన్నం వండిన గంజి చల్లార్చి అందులో కాఫీ పౌడర్, అలోవెరా జెల్, గ్లిజరిన్ కలపాలి. ఈ కాఫీ ప్యాక్‌ని శుభ్రం చేసుకున్న ముఖంపై అప్లై చేయండి.
ఈ ప్యాక్ ముఖాన్ని చాలా సాఫ్ట్ గా మార్చుతుంది. ఇలా వరుసగా మూడు రోజులు వాడితే చాలా మంచి ఫలితాలు వస్తాయి. మొత్తం శీతాకాలం చర్మం పగుళ్లు సమస్య ఉండదు. ఈ ప్యాక్‌ను అప్లై చేసిన తర్వాత, అది ఆరిపోయిన తర్వాత శుభ్రంగా వాష్‌ చేసుకోవాలి.
15 నిమిషాల తర్వాత మీ ముఖాన్ని నీటితో బాగా కడగాలి. ఈ ప్యాక్ వేసుకోవడం వల్ల కళ్ల కింద నల్లటి వలయాలు కూడా తొలగిపోతాయి. అలాగే చర్మం కూడా బాగుంటుంది. ప్రకాశిస్తుంది తర్వాత తేలికపాటి మాయిశ్చరైజర్ రాస్తే చర్మం నునుపుగా ఉంటుంది.