Back Pain: మీరూ ఆఫీస్‌ వర్క్‌లోపడి గంటల తరబడి కూర్చుంటున్నారా? ఈ సమస్యలు తప్పవు
చాలా మంది రోజంతా ఒకేచోట కూర్చుని లేదా నిలబడి పని చేయాల్సి ఉంటుంది. ఇలా గంటల తరబడి కంప్యూటర్ ముందు పని చేస్తూ చిన్న వయసులోనే వెన్నునొప్పితో బాధపడుతున్నవారి సంఖ్య నానాటికీ పెరిగిపోతుంది..
చాలా మంది రోజంతా ఒకేచోట కూర్చుని లేదా నిలబడి పని చేయాల్సి ఉంటుంది. ఇలా గంటల తరబడి కంప్యూటర్ ముందు పని చేస్తూ చిన్న వయసులోనే వెన్నునొప్పితో బాధపడుతున్నవారి సంఖ్య నానాటికీ పెరిగిపోతుంది.
విపరీతమైన నొప్పితో వెనుక భాగం నుంచి నడుము వరకు నొప్పి వస్తుంటుంది. ఇలా నిరంతర పని కారణంగా వెన్నెముక సమస్యలు పుట్టుకొస్తున్నాయి. తక్షణ ఉపశమనం పొందడానికి చాలా మంది పెయిన్‌ రిలీఫ్‌ మందులు తీసుకుంటూ ఉంటారు. లేదా ఇంజెక్షన్లు తీసుకుంటారు. వీటి వల్ల ఎముకలు అరిగిపోయే ప్రమాదం ఉంది. వీటికి బదులు కాస్త జీవనశైలిలో మార్పు చేస్తే సరిపోతుందంటున్నారు ఆరోగ్య నిపుణులు.
వెన్నునొప్పి నుంచి ఉపశమనం పొందడానికి నెమ్మదిగా యోగా చేయడం లేదా స్ట్రెచింగ్ చేయడం వల్ల ఉపశమనం పొందవచ్చు. రెగ్యులర్ ప్రాక్టీస్ నొప్పి నుంచి ఉపశమనం కలిగిస్తుంది.
అధిక ధూమపానం వెన్నెముక సమస్యల నుండి కోలుకోవడాన్ని ఆలస్యం చేస్తుంది. ధూమపానం అలవాటు లేనివారు ఈ విధమైన వ్యాధుల నుంచి త్వరగా ఉపశమనం పొందవచ్చు. తక్కువ నిద్రతో కూడా నడుము నొప్పి పెరుగుతుంది. నిద్రలో నరాలు, కండరాలు రిలాక్స్ అవుతాయి. ఫలితంగా మరుసటి రోజు మేల్కొన్నప్పుడు, ఆ కండరాలు తాజాగా ఉంటాయి.
కుర్చీలో కూర్చున్నప్పుడు మీ వెన్నెముక భాగం నిటారుగా ఉంచండి. నడుము నొప్పి రావడానికి కుర్చిలో మీరు ఎలా కూర్చుంటారు అనే దానిపై ఆధారపడి ఉంటుంది. అధిక బరువు కూడా నడుము, వెన్నునొప్పి ప్రమాదాన్ని పెంచుతుంది. కాబట్టి బరువును అదుపులో ఉంచుకోవాలి.