Jowar Roti : చలికాలంలో జొన్న రొట్టె తింటే ఏమవుతుందో తెలుసా.?
చలికాలంలో మన జీర్ణవ్యవస్థ, రోగనిరోధక శక్తి బలహీనపడతాయి. దీనివల్ల ఎన్నో రోగాలు సోకుతాయి. ఈ సీజన్ లో మన శరీరాన్ని ఆరోగ్యంగా ఉంచుకోవడానికి మన రోజువారి ఆహారంలో పలు మార్పులు చేసుకోవటం మంచిదని ఆరోగ్య నిపుణులు సూచిస్తున్నారు. అందులో బాగంగా మీరు మీ ఆహారంలో జొన్నరొట్టెలు తీసుకోవటం ఉత్తమం అంటున్నారు. ఇది మనల్ని ఎన్నో రోగాలకు దూరంగా ఉంచుతుంది. చలికాలంలో జొన్నరొట్టెలు తింటే ఏమవుతుందో ఇక్కడ తెలుసుకుందాం..
చలికాలంలో గోధుమ రొట్టెల కంటే జొన్న రొట్టెలు తింటే ఆరోగ్యానికి మంచిది. జొన్నల్లో కాల్షియం, ఫాస్పరస్, పొటాషియం, ఐరన్, ప్రోటీన్, విటమిన్-బి, కాంప్లెక్స్ వంటి ఎన్నో పోషకాలు పుష్కలంగా లభిస్తాయి. ఇలాంటి జొన్నలు మన శరీరాన్ని ఎన్నో వ్యాధుల నుంచి రక్షిస్తాయి. జొన్న రొట్టె తినడం వల్ల మన జీర్ణవ్యవస్థ బలంగా ఉంటుంది. అలాగే ఎన్నో వ్యాధుల ముప్పు తప్పుతుంది.
జొన్న రొట్టెలు తీసుకోవటం వల్ల తగినంత మొత్తంలో ఫైబర్ కంటెంట్ అందుతుంది. దీంతో ఎక్కువ సేపు కడుపు నిండుగా ఉంటుంది. దీనివల్ల మీరు అతిగా తినలేరు. ఈ రొట్టెల్లో ఉండే ఫైబర్ కంటెంట్ కడుపు నిండుగా ఉంచి బరువును నియంత్రిస్తుంది. ఇది మన జీర్ణవ్యవస్థను ఆరోగ్యంగా ఉంచుతుంది. జొన్న రొట్టెలను తినడం వల్ల మలబద్దకం వంటి సమస్యలు తగ్గిపోతాయి.
జొన్నలు మన గుండెను ఆరోగ్యంగా ఉంచడానికి కూడా సహాయపడుతుంది. ఇందులో ఉండే పొటాషియం, మెగ్నీషియం మన గుండెను ఆరోగ్యంగా ఉంచడంలో కీలక పాత్ర పోషిస్తాయి. అందుకే చలికాలంలో జొన్న రొట్టెను ఖచ్చితంగా తినండి.
జొన్న రొట్టె ఎముకల ఆరోగ్యానికి కూడా ప్రయోజనకరంగా పనిచేస్తుంది. చలికాలంలో ఈ రొట్టెను తింటే మన ఎముకలు బలంగా ఉంటాయి. జొన్నల్లో ఉండే ప్రోటీన్.. కండరాలు, ఎముకలను బలోపేతం చేస్తుంది.
మధుమేహులకు జొన్న రొట్టెలు ఎంతో మేలు చేస్తాయి. చలికాలంలో జొన్న రొట్టెను తింటే రక్తంలో చక్కెర స్థాయిలు అదుపులో ఉంటాయి. అందుకే డయాబెటీస్ పేషెంట్లు చలికాలంలో జొన్న రొట్టెను తినాలని వైద్యులు సూచిస్తారు.