రోజూ జొన్నరొట్టె తింటే మీ శరీరంలో జరిగే మార్పులు తెలుసుకోండి..మీ ఆరోగ్యానికి ఢోకా లేదు!
జొన్నల్లో ఐరన్, కాల్షియం, భాస్వరం, మెగ్నీషియం వంటి మన ఆరోగ్యానికి ముఖ్యమైన పోషకాలు పుష్కలంగా ఉంటాయి. జొన్నలను తీసుకోవడం వల్ల మన శరీరంలో కేలరీలు పెరిగే అవకాశమే ఉండదు. ఇది మన శరీరంలో శక్తి స్థాయిలను స్థిరంగా ఉంచుతుంది. జొన్న రొట్టెలో గ్లూటెన్ ఉండదు. ఈ రొట్టె గ్లూటెన్ సున్నితత్వం లేదా ఉదరకుహర వ్యాధి ఉన్నవారికి మంచి ప్రయోజనకరంగా ఉంటుంది. జొన్నరొట్టెలు తినటం వల్ల కలిగే మరిన్ని లాభాల గురించి ఇక్కడ తెలుసుకుందాం..
జొన్నలలో ఎన్నో ఆరోగ్య ప్రయోజనాలు దాగివున్నాయి. అందుకే ప్రస్తుతం చాలా మంది చపాతీలకు బదులు జొన్న రొట్టెలు తినటం అలవాటుగా చేసుకుంటున్నారు. జొన్నల్లో ఉండే ఆరోగ్య ప్రయోజనాల దృష్ట్యా జొన్న రొట్టెలను ఎక్కువగా తినడానికి ఇష్టపడుతున్నారు. జొన్న రొట్టెలు తినడం వల్ల అనేక ఆరోగ్య ప్రయోజనాలు ఉన్నాయి. జొన్న రొట్టెలు తినడం వల్ల ఎముకలు బలపడడంతో పాటూ జీర్ణ వ్యవస్థ మెరుగుపడుతుంది.
జొన్న రొట్టెలు తినటం వల్ల బరువు పెరగకుండా ఉంటారని పోషకాహార నిపుణులు చెబుతున్నారు. జొన్నల్లోని ఫైబర్ శరీరంలో చెడు కొలెస్ట్రాల్‌ను తగ్గిస్తుంది. జొన్న రొట్టెలు తినడం వల్ల రక్తప్రసరణ మెరుగుపడుతుంది. చక్కెర స్థాయిలను నియంత్రించడంలో జొన్న రొట్టెలు సాయం చేస్తాయి.
జొన్నలలో ఫైబర్ కంటెంట్ ఎక్కువగా ఉంటుంది. ఇది మన శరీరంలో ఉండే చెడు కొలెస్ట్రాల్ ను తగ్గించి మనకు ఆరోగ్యాన్ని ఇస్తుంది. బరువు తగ్గటంలో సహాయపడుతుంది. జొన్న రొట్టెలు తినడం వల్ల గుండె జబ్బులు రాకుండా ఉంటాయి. క్రమం తప్పకుండా జొన్న రొట్టెలను తీసుకుంటే గుండె ఆరోగ్యం పడటమే కాకుండా రక్తప్రసరణ వ్యవస్థ కూడా మెరుగుపడుతుంది.
జొన్నల్లోని మెగ్నీషియం, ఐరన్, కాపర్, కాల్షియం, జింక్ వంటివి మనలో రోగ నిరోధక శక్తిని పెంచుతాయి. మలబద్ధకాన్ని దూరం చేస్తాయి. రక్తహీనత సమస్య నుంచి పడేందుకు జొన్నరొట్టెలు దోహదం చేస్తాయి. అంతేకాదు.. జొన్న రొట్టె తినడం వల్ల అవి చాలా నెమ్మదిగా జీర్ణం అవుతాయి. ఇది రక్తంలో చక్కెర స్థాయిలను స్థిరంగా ఉంచడానికి సహాయపడుతుంది. ఇది డయాబెటిస్ ఉన్నవారిలో బ్లడ్‌షుగర్‌ని కంట్రోల్‌లో ఉంచుతుంది.
జొన్న రొట్టెలను క్రమం తప్పకుండా తినడం వల్ల వృద్ధాప్యాన్ని నెమ్మదిస్తుంది. జొన్నలతో శరీరంలో వృద్ధాప్య ప్రక్రియకు కారణమయ్యే ఫ్రీ రాడికల్స్ తగ్గుతాయి. ఇందులో మెగ్నీషియం, విటమిన్లు B, E లతో పాటు, యాంటీ ఆక్సిడెంట్లు సమృద్ధిగా ఉంటాయి.