మిరియాలు, తేనె కలిపి తింటే బ్రెయిన్ షార్ప్ అవుతుందా..? వైద్యులు చెప్పిన నిజం ఇదే..!
ఆయుర్వేదంలో తేనె, నల్ల మిరియాలకు ఎంతో ప్రత్యేకత ఉంది. నల్ల మిరియాలను తేనెలో కలిపి నమలడం వల్ల అనేక వ్యాధులు నయమవుతాయని ఆయుర్వేద ఆరోగ్య నిపుణులు చెబుతున్నారు. ముఖ్యంగా జలుబు, దగ్గు, ఫ్లూ వంటి సమస్యలతో బాధపడుతున్న వారికి ఈ మిశ్రమం అద్భుతమైన ఔషధం అంటున్నారు. విటమిన్ కె, ఐరన్, పొటాషియం, మెగ్నీషియం వంటి ముఖ్యమైన విటమిన్లు, ఖనిజాలు తేనెలో ఉంటాయి. నల్ల, తేనెలో యాంటీఆక్సిడెంట్, యాంటీ ఇన్ఫ్లమేటరీ, యాంటీ బ్యాక్టీరియల్ లక్షణాలు పుష్కలంగా ఉన్నాయి. ఈ పోషకాలున్న ఈ మిశ్రమం వల్ల కలిగే మరిన్ని లాభాలేంటో ఇక్కడ తెలుసుకుందాం...
వ్యాధులు వేగంగా వ్యాప్తి చెందుతున్న నేటి కాలంలో బలమైన రోగనిరోధక శక్తిని కలిగి ఉండటం చాలా ముఖ్యం. తేనె, నల్ల మిరియాలలో ఉండే యాంటీఆక్సిడెంట్లు, విటమిన్లు, యాంటీ బాక్టీరియల్ లక్షణాలు శరీర రోగనిరోధక శక్తిని పెంచుతాయి. ఇది జలుబు, దగ్గు, గొంతు నొప్పి మరియు వైరల్ ఇన్ఫెక్షన్ల నుండి రక్షించడంలో సహాయపడుతుంది.
మీకు తరచుగా కడుపులో గ్యాస్, మలబద్ధకం లేదా అజీర్ణం వంటి సమస్యలు వస్తూ ఉంటే తేనె, నల్లమిరియాల మిశ్రమం మీకు దివ్యౌషధంగా పనిచేస్తుంది. నల్ల మిరియాలు జీర్ణ ఎంజైమ్లను ప్రేరేపిస్తాయి. ఇది ఆహారాన్ని బాగా జీర్ణం చేయడంలో సహాయపడుతుంది. అదే సమయంలో, తేనె ప్రేగులను శుభ్రపరుస్తుంది. కడుపు తేలికగా అనిపించేలా చేస్తుంది.
మీరు బరువు తగ్గడానికి ప్రయత్నిస్తుంటే, ఈ మిశ్రమం మీకు సహాయపడుతుంది. నల్ల మిరియాలలో పైపెరిన్ అనే మూలకం ఉంటుంది. ఇది కొవ్వును వేగంగా కాల్చడంలో సహాయపడుతుంది. అదే సమయంలో, తేనె శరీరంలోని చెడు కొలెస్ట్రాల్ను తగ్గిస్తుంది. ఆరోగ్యకరమైన రీతిలో బరువు తగ్గించడంలో సహాయపడుతుంది .
చర్మంపై అద్భుతమైన మెరుపును కలిగిస్తుంది. తేనె, నల్ల మిరియాల మిశ్రమం శరీరం లోపలి నుండి విషాన్ని తొలగించి, చర్మానికి సహజమైన మెరుపును ఇస్తుంది. ఇది మొటిమలు, మచ్చలు, ముడతలను తగ్గించడంలో కూడా సహాయపడుతుంది.
మానసిక ఒత్తిడి, మతిమరుపుతో బాధపడుతుంటే ఈ మిశ్రమం మీకు ఒక వరంలాంటిది. తేనె, నల్ల మిరియాలు మెదడు కణాలను సక్రియం చేస్తాయి. జ్ఞాపకశక్తిని బలపరుస్తాయి. గుండెను ఆరోగ్యంగా ఉంచుతుంది. ఇది చెడు కొలెస్ట్రాల్ను తగ్గించడం ద్వారా అధిక రక్తపోటు వంటి వ్యాధులను నివారించడానికి సహాయపడుతుంది.