కప్పల గురించి ఇది తెలుసా? నోటిని ఉపయోగించకుండా నీటిని ఎలా తాగుతాయంటే?
కప్పలు తెలియని వారు ఎవరుంటారు చెప్పండి. ప్రతి ఒక్కరూ కప్పలను చూసే ఉంటారు. ఎక్కువగా గ్రామీణ ప్రాంతాలలో వర్షాకాలంలో ఇవి ఎక్కువగా కనిపిస్తుంటాయి. ఇంటిలోకి రావడం వంటివి చేస్తుంటాయి. అయితే చాలా మంది కప్పలను తేలికగా తీసుకుంటారు. కానీ వీటి వెనుక కూడా కొన్ని ఆసక్తికరమైన విషయాలు ఉన్నాయంట.
చాలా వరకు ఏ జీవి అయినా సరే ఎక్కువగా నోటితో మాత్రమే నీటిని తాగుతుంది. కానీ కప్పలు మాత్రం నోటితో నీరు తాగవంట. ఇవి నీటిని తాగడానికి ఒక ప్రత్యేకమైన పద్ధతిని అవలంబిస్తాయంట. చాలా వరకు మనం జంతువులు నోటితో నీళ్లు తాగడం చాలా వరకు చూసి ఉంటాం. కానీ కప్ప నీటితో నీళ్లు తాగడం ఎప్పుడైనా చూశారా? అసలు ఇంత వరకు అసలు కప్ప ఎలా నీళ్లు తాగుతుంది అని కూడా ఎవరూ ఆలోచించలేదు కావచ్చు. కానీ ప్రకృతి చెప్పని ఈ వింత గురించి ఇప్పుడు మనం తెలుసుకుందాం.
కప్పలను ఉభయ చర జీవులు అంటారు. ఇవి నీటిలో అయినా భూమిపైన అయినా సరే తమ మనుగడను కొనసాగిస్తాయి. ఇవి చిన్న చిన్న కీటకాలను ఆహారంగా తీసుకుంటాయి. అంతే కాకుండా ఎక్కువగా తమ చర్మాన్ని తేమగా ఉంచుకోవడానికి ఆసక్తి చూపుతాయి. అయితే ఇవి ఎప్పుడూ కూడా నోటితో నీటిని తాగవంట.
ఇవి నీరు తాగడానికి తమ చర్మాన్ని ఉపయోగిస్తాయి. వాటి శరీరం ద్వారా మాత్రమే నీటిని స్వీకరిస్తాయట. అయితే ఇలా ఇవి తమ చర్మంతో నీటిని తాగడం వెనక కూడా ఒక రహస్యం ఉందని చెబుతున్నారు నిపుణులు. కప్పల శరీర కింద భాగంలో పెల్విక్ ప్యాచ్ అనేది ఉంటుందంట. ఇది ఒక ప్రత్యేకమైన చర్మ పొర ఇది చాలా సులభంగా నీటిని పీల్చుకుంటుందంట. ఎప్పుడైనా సరే కప్పలు నీటిలోకి వెళ్లిన వెంటనే ఆ పొర నీటిని పీల్చుకోవడం ప్రారంభిస్తుంది. అంతే కాకుండా ఆ భాగం ఎప్పుడూ తేమగా ఉంటుందంట.
ఈ కప్పు నీరును స్వీకరించే ప్రక్రియను ద్రవాభిసరణ, దీని ద్వారా చర్మం ద్వారా కప్ప శరీరంలోకి నీరు చేరుతుందంట. దీని వలన కొన్ని సార్లు తేమ లేని ప్రదేశంలో కూడా ఇది నీటిని ఆ చర్మంలోని నీరును స్వీకరిస్తుంది. అంతే తప్ప, ఎప్పుడూ కూడా కప్పలు నేరుగా నోటితో నీటిని స్వీకరించవు. చాలా వరకు పరిశోధనల్లో కూడా కప్పలు చర్మం ద్వారానే నీటిని స్వీకరిస్తాయని వెళ్లడి అయ్యిందంట.
కప్పల చర్మం ఎప్పుడూ తేమగా ఉండాలి. అలా లేకపోతే అది వాటికి ప్రమాదకరంగా మారుతుంది. అందుకే అవి తమ మనుగడను సాగించుకోవడానికి ఎక్కువగా తేమగా ఉండే ప్రదేశంలో ఉండటానికి ఆసక్తి చూపుతాయి. బురదలో, నీటిలో, నీడగా ఉండే ప్రదేశంలో ఉంటూ తమ శరీరంలో తేమను కాపాడుకుంటాయంట. నోట్ : పై సమాచారం కేవలం ఇంటర్నెట్, నిపుణుల ఆధారంగా మాత్రమే ఇవ్వడం జరిగింది. టీవీ9 తెలుగు దీనిని ధృవీకరించలేదని పాఠకులు గమనించాలి.