Amla Juice: ఉదయాన్నే ఖాళీ కడుపుతో ఈ జ్యూస్ తాగితే.. శరీరంలో జరిగే మ్యాజిక్ ఇదే..!
చాలామందిలో జ్ఞాపకశక్తి పూర్తిగా తగ్గిపోతూ వస్తోంది. దీనికి అనేక రకాల కారణాలు ఉన్నాయని కొంతమంది ఆరోగ్య నిపుణులు చెబుతున్నారు. ముఖ్యంగా పిల్లల్లో జ్ఞాపకశక్తి తగ్గిపోవడం వల్ల చదువుకున్నది మొత్తం మర్చిపోతుంటారు. కొంతమంది పిల్లలు అయితే గంట ముందు చదివింది కూడా ఇప్పుడు గుర్తు పెట్టుకోలేకపోతుంటారు. దీనికి కారణం జ్ఞాపకశక్తి తగ్గడమేనని అంటున్నారు నిపుణులు. జ్ఞాపకశక్తి తగ్గడం వల్ల కొంతమందిలో ఇతర అనారోగ్య సమస్యలు కూడా వస్తుంటాయి. జ్ఞాపక శక్తిని పెంచుకోవడానికి చాలామంది రసాయనాలతో కూడిన కొన్ని సూపర్ డ్రింక్స్ వాడుతుంటారు. కానీ, అవేవీ మంచివి కాదని, పైగా కెమికల్ ఆధారిత ఉత్పత్తులు ఇతర అనారోగ్య సమస్యలకు దారి తీస్తాయని అంటున్నారు. జ్ఞాపక శక్తి పెంచుకోవడానికి, మెదడును మెరుగుపరిచేందుకు ఉసిరికాయ రెమిడి క్రియాశీలక పాత్ర పోషిస్తుందని నిపుణులు చెబుతున్నారు. అదేలాగో ఇక్కడ తెలుసుకుందాం..
ఉదయాన్నే ఖాళీ కడుపుతో ఉసిరికాయతో తయారుచేసిన జ్యూస్ తాగడం వల్ల జ్ఞాపకశక్తి విపరీతంగా పెరుగుతుందని ఆరోగ్య నిపుణులు చెబుతున్నారు. ఉసిరికాయ రసంలో విటమిన్స్ తో పాటు మినరల్స్ కూడా పుష్కలంగా లభిస్తాయి. దీని కారణంగా జ్ఞాపకశక్తి పెరగడమే కాకుండా మెదడు మెరుగుపడుతుంది. ఉసిరి రసంలో విటమిన్ సి కంటెంట్ ఎక్కువగా ఉంటుంది. ఇది రోగనిరోధకశక్తిని బలంగా మార్చుతుంది. ఉసిరి రసం తాగితే సీజనల్ ఇన్ఫెక్షన్ల రిస్క్ తగ్గుతుంది.
కొంతమందిలో ఉసిరి రసం తాగడం వల్ల చర్మ, జుట్టు సమస్యలు రాకుండా కూడా ఉంటాయని నిపుణులు చెబుతున్నారు. జుట్టును ఒత్తుగా పెంచడంలో ఉసిరి సాయపడుతుంది. ఉదయాన్నే ఉసిరి రసం తాగడం వల్ల హెయిర్ ఫోలికల్స్ దృఢంగా మారుతాయి. జుట్టు రాలడం తగ్గుతుంది.
Amla juice
ఉదయాన్నే ఉసిరి రసం తాగడం వల్ల కాలేయం డీటాక్సిఫై అవుతుంది. ఉసిరి రసం తాగితే కాలేయ వాపు సమస్యలు తగ్గుతాయి. కాలేయ పనితీరు మెరుగుపడుతుంది. మార్నింగ్ ఉసిరి రసం తాగడం వల్ల బరువు తగ్గొచ్చు. ఉసిరి రసంలో కొంచెం మిరియాల పొడి కలిపి తీసుకుంటే మంచి ఫలితాలు ఉంటాయి.
భోజనం తర్వాత కూడా ఉసిరి రసం తాగవచ్చు. ఇది జీర్ణక్రియకు సహాయపడుతుంది. ఆహారం సరిగ్గా జీర్ణం అయ్యేలా చేస్తుంది. నిద్రకు ముందు ఉసిరి రసం తాగడం వల్ల మంచి నిద్ర పడుతుంది. ఇది మనస్సును ప్రశాంతంగా ఉంచుతుంది. ఉసిరిలో యాంటీ ఆక్సిడెంట్లు అధికంగా ఉంటాయి. ఇవి కణాలను ఆరోగ్యంగా మార్చుతాయి. ఉసిరి తింటే చర్మం ఎలాస్టిసిటీ పెరుగుతుంది. దీంతో ముడతలు తగ్గుతాయి.