ఎర్ర తోటకూర ఎప్పుడైనా తిన్నారా…ఊహించని ప్రయోజనాలేన్నో.. అసలు నమ్మలేరు
ఆకు కూరలు సాధారణంగా ఆరోగ్యానికి మేలు చేస్తాయి. ఆకు కూరలు ఎన్నో పోషకాల భాండాగారం. అందుకే ఆహారంలో ఆకు కూరలను మినహాయించకూడదని అంటారు. ఆకుకూరల్లో ఉండే పోషకాలు మన శరీరానికి ఎన్నో రకాలుగా ప్రయోజనాలను కలిగిస్తాయి. తోటకూర అత్యంత పోషకాలు కలిగిన ఆకు కూరలలో ఒకటి. మన దేశంలో తోటకూరలో ప్రధానంగా రెండు రకాలు ఉన్నాయి. ఆకుపచ్చ తోటకూర, ఎరుపు తోటకూర. తోటకూరతో పోలిస్తే ఎర్ర తోటకూరలో పోషకాలు ఎక్కువగా ఉంటాయి. ఎర్ర తోటకూర తినడం వల్ల కలిగే ఆరోగ్య ప్రయోజనాలేంటో ఇక్కడ తెలుసుకుందాం..
ఎర్ర తోటకూర అనేక ఆరోగ్య సమస్యలు, వ్యాధుల నుండి దూరంగా ఉండటానికి మన రోగనిరోధక శక్తిని బలోపేతం చేయడానికి సహాయపడే ఆహారం. ఎర్ర తోటకూర విటమిన్-సి పుష్కలంగా ఉండే ఆహారం. విటమిన్-సి రోగనిరోధక వ్యవస్థను బలోపేతం చేయడంలో సహాయపడుతుంది.
ఎర్ర తోటకూరలో విటమిన్ ఏ., విటమిన్ సి, విటమిన్ ఈ, విటమిన్ బి, కాల్షియం, పొటాషియం, మెగ్నీషియం, మాంగనీస్, ఐరన్, కాపర్, జింక్, ఫైబర్, ఫాస్ఫరస్,ప్రోటీన్, యాంటీ ఆక్సిడెంట్స్ వంటి పోషకాలు అన్ని సమృద్ధిగా ఉంటాయి. వారంలో కనీసం రెండుసార్లు ఈ ఆకుకూరను తింటే మంచిదని చెబుతున్నారు.
ఎర్ర తోటకూర అనేది జీర్ణ సమస్యలలో జీర్ణక్రియను సులభతరం చేయడానికి సహాయపడే వంటకం. ఇందులో ఉండే ఫైబర్ జీర్ణక్రియను సులభతరం చేయడానికి సహాయపడుతుంది. ఇది మలబద్ధకం మరియు గ్యాస్ వంటి సమస్యల నుండి కూడా ఉపశమనం కలిగిస్తుంది.
ఎర్ర తోటకూర కూర కంటి ఆరోగ్యానికి కూడా చాలా మంచిది. కంటి చూపు మరియు కంటి ఆరోగ్యాన్ని మెరుగుపరచడానికి ఎర్ర తోటకూర ఎంతగానో ఉపయోగపడుతుంది. రక్తాన్ని శుద్ధి చేయడానికి సహాయపడుతుంది.. ఇది చర్మ ఆరోగ్యాన్ని మెరుగుపరుస్తుంది. వృద్ధాప్య లక్షణాలను ఆలస్యం చేయటమే కాకుండా…ముడతలు, మొటిమలు వంటివి లేకుండా ముఖం అందంగా కాంతివంతంగా ఉండేలా చేస్తుంది.
ఎర్ర తోటకూర రక్తంలో హిమోగ్లోబిన్ లెవల్స్‌ పెంచడంలో కూడా సహాయపడుతుంది. ఎర్ర తోటకూరలోని ఐరన్ దీనికి సహాయపడుతుంది. తక్కువ హిమోగ్లోబిన్ కారణంగా అనేక ఆరోగ్య సమస్యలు మరియు ఇబ్బందులు ఎదుర్కొంటారు. దీన్ని ప్రధానంగా ఆహారం ద్వారా పరిష్కరించడానికి ప్రయత్నించండి. అలాంటి వారు ఖచ్చితంగా ఎర్ర తోటకూర ఆహారంలో చేర్చుకోవాలి.