బాత్రూమ్ టైల్స్ ఎంత మురికిగా ఉన్నా నిమిషాల్లో క్లీన్ చేయవచ్చు.. ఇంట్లోనే పాటించే సింపుల్ హ్యాక్స్!
ఇంటిని శుభ్రంగా ఉంచుకోవడంలో బాత్రూమ్ పరిశుభ్రత అత్యంత కీలకమైనది. కానీ, నిత్యం నీరు, సబ్బు, షాంపూలు వాడటం వల్ల బాత్రూమ్ గోడలు. నేల టైల్స్పై తెల్లటి గార, హార్డ్ వాటర్ మరకలు, నాచు, జిడ్డు త్వరగా పేరుకుపోతాయి. ఎంత తోమినా ఈ మరకలు అంత సులభంగా వదిలిపోవు. తీవ్రమైన రసాయనాలు వాడితే టైల్స్ మెరుపు తగ్గడమే కాకుండా, ఘాటైన వాసన వల్ల శ్వాసకోశ ఇబ్బందులు తలెత్తుతాయి. ఎలాంటి కెమికల్స్ వాడకుండా ఇంట్లో ఉండే సహజ వస్తువులతో బాత్రూమ్ టైల్స్ను కొత్తవాటిలా ఎలా మెరిపించవచ్చో ఇప్పుడు చూద్దాం.
బాత్రూమ్ టైల్స్పై పేరుకుపోయే తెల్లటి హార్డ్ వాటర్ కారక మరకలు, సబ్బు అవశేషాలు, జిడ్డు వల్ల బాత్రూమ్ మురికిగా కనిపిస్తుంది. వీటిని క్లీన్ చేయడానికి ఇంట్లో లభించే సహజ సిద్ధమైన పదార్థాలు ఎంతగానో ఉపయోగపడతాయి. సమ భాగాలుగా తెల్ల వినెగర్ మరియు నీటిని కలిపి స్ప్రే సీసాలో తీసుకుని టైల్స్పై చల్లి 10-15 నిమిషాల పాటు ఉంచాలి. ఆ తర్వాత స్పాంజ్ లేదా సాఫ్ట్ బ్రష్తో రుద్ది కడిగితే మరకలు సులభంగా వదిలిపోతాయి. టైల్స్ మధ్యలో ఉండే మురికి (గ్రౌట్) ని తొలగించడానికి బేకింగ్ సోడాను నీటితో కలిపి పేస్ట్లా చేసి, పాత టూత్ బ్రష్తో రుద్దడం ద్వారా టైల్స్ మళ్లీ కొత్తవాటిలా మెరుస్తాయి.
వెనిగర్, వాటర్ స్ప్రే- సబ్బు అవశేషాలు, నీటి గార మరకలను వదిలించడంలో తెల్ల వినెగర్ అద్భుతంగా పనిచేస్తుంది. దీని కోసం సమ భాగాలలో వెనిగర్, నీటిని ఒక స్ప్రే బాటిల్లో కలిపి తీసుకోవాలి. ఈ మిశ్రమాన్ని టైల్స్ మొత్తం స్ప్రే చేసి, 10 నుండి 15 నిమిషాల పాటు అలాగే వదిలేయాలి. ఆ తర్వాత సాఫ్ట్ స్పాంజ్ లేదా బ్రష్తో తోమి నీటితో కడిగేస్తే మరకలు మాయమవుతాయి.
బేకింగ్ సోడా పేస్ట్: టైల్స్ మధ్య ఉండే ఖాళీలలో మురికి త్వరగా చేరి నల్లగా మారుతుంది. దీనిని శుభ్రం చేయడానికి బేకింగ్ సోడా సరైన ఎంపిక. బేకింగ్ సోడాలో కొద్దిగా నీళ్లు కలిపి చిక్కటి పేస్ట్లా చేసుకోవాలి. ఈ పేస్ట్ను మురికిగా ఉన్న గ్రౌట్ లైన్లపై పూసి 10 నిమిషాల తర్వాత పాత టూత్ బ్రష్తో తేలికగా రుద్దాలి. దీనివల్ల నలుపు తగ్గి టైల్స్ మెరుస్తాయి.
నిమ్మరసం, ఉప్పు: మొండి మరకలు, తుప్పు గుర్తులను తొలగించడానికి నిమ్మరసంలోని సిట్రిక్ యాసిడ్ బాగా తోడ్పడుతుంది. ఇందుకోసం నిమ్మరసంలో కొద్దిగా ఉప్పు కలిపి మరకలు ఉన్న చోట రాయాలి. కొన్ని నిమిషాల పాటు ఉంచి బ్రష్తో శుభ్రం చేస్తే మంచి ఫలితం ఉంటుంది. ఇది బాత్రూమ్కు మంచి తాజా సువాసనను కూడా ఇస్తుంది.
జాగ్రత్తలు, నిర్వహణ చిత్కాలు: మార్బుల్ లేదా గ్రానైట్ వంటి సహజ రాళ్లతో చేసిన టైల్స్పై వినెగర్, నిమ్మరసం వంటి యాసిడ్ స్వభావం ఉన్న పదార్థాలను వాడకూడదు. రోజూ స్నానం చేసిన తర్వాత వైపర్తో టైల్స్పై ఉన్న నీటిని తుడిచేస్తే హార్డ్ వాటర్ మరకలు పడకుండా నిరోధించవచ్చు. బాత్రూమ్లో గాలి వెలుతురు సరిగ్గా ఉండేలా చూడటం వల్ల బూజు, నాచు పట్టకుండా ఉంటాయి.