Diabetics Diet: మధుమేహంతో బాధపడేవారు పసుపు, అల్లం, దాల్చిన చెక్క.. తిన్నారంటే
మధుమేహంతో బాధపడేవారు తినడం, త్రాగడం విషయంలో పరిమితులు పాటించాలి. ముఖ్యంగా ప్రాసెస్ చేసిన ఆహారాలు, అధిక క్యాలరీలు ఉండే చక్కెర ఆహారాలకు పూర్తిగా దూరంగా ఉండాలి. కార్బోహైడ్రేట్ కలిగిన ఆహారాలు కూడా అంత మంచిది కాదు. మధుమేహ వ్యాధిగ్రస్తులు తక్కువ గ్లైసెమిక్ ఇండెక్స్ ఉన్న ఆహారాలను మాత్రమే తీసుకోవాలి. ఫైబర్ అధికంగా ఉండే ఆహారాలను తీసుకోవాలి..
మధుమేహంతో బాధపడేవారు తినడం, త్రాగడం విషయంలో పరిమితులు పాటించాలి. ముఖ్యంగా ప్రాసెస్ చేసిన ఆహారాలు, అధిక క్యాలరీలు ఉండే చక్కెర ఆహారాలకు పూర్తిగా దూరంగా ఉండాలి. కార్బోహైడ్రేట్ కలిగిన ఆహారాలు కూడా అంత మంచిది కాదు. మధుమేహ వ్యాధిగ్రస్తులు తక్కువ గ్లైసెమిక్ ఇండెక్స్ ఉన్న ఆహారాలను మాత్రమే తీసుకోవాలి. ఫైబర్ అధికంగా ఉండే ఆహారాలను తీసుకోవాలి.
వ్యాయామంతో పాటు ఆహారంపై పూర్తి నియంత్రణ ఉంటే షుగర్ గురించి పెద్దగా ఆందోళన చెందాల్సిన పనిలేదు. ఆరోగ్యకరమైన ఆహారంతో పాటు, రోజువారీ ఆహారంలో కొన్ని మసాలా దినుసులను చేర్చడం వల్ల మధుమేహాన్ని నిరోధించవచ్చంటున్నారు ఆరోగ్య నిపుణులు. రక్తంలో చక్కెర స్థాయిలను నియంత్రించడంలో సహాయపడే సుగంధ ద్రవ్యాలు ఏమిటో ఇక్కడ తెలుసుకుందాం.. అల్లం టీ తాగడం అలవాటు చేసుకుంటే మధుమేహానికి దూరంగా ఉండవచ్చు. అల్లంలో యాంటీ ఇన్ఫ్లమేటరీ గుణాలు ఉన్నాయి. అలాగే ఈ హెర్బ్ ఇన్సులిన్ ఉత్పత్తికి సహాయపడుతుంది. ఇది రక్తంలో చక్కెర స్థాయిలను అదుపులో ఉంచుతుంది.
ప్రతిరోజూ ఉదయం ఖాళీ కడుపుతో మెంతిగింజలు నానబెట్టిన నీటిని త్రాగాలి. కావాలంటే మెంతికూరను ఆహారంలో తినొచ్చు. మెంతులు మధుమేహాన్ని అదుపులోకి తీసుకురావడంలో సహాయపడతాయి. వీటిని ప్రతిరోజూ తినడం వల్ల మీ రక్తంలో చక్కెర స్థాయిలు పెరగవు.
దాల్చిన చెక్క మధుమేహ వ్యాధిగ్రస్తులకు మేలు చేస్తుంది. దాల్చిన చెక్క పొడి కలిపిన ఆహారాన్ని తినడం వల్ల తీపి తినాలని అనిపించదు. అలాగే, ఈ మసాలాలో ఉండే యాంటీఆక్సిడెంట్లు రక్తంలో చక్కెర స్థాయిలను అదుపులో ఉంచుతుంది.
పసుపులో కర్కుమిన్ అనే సమ్మేళనం ఉంటుంది. ఇది శరీరంలో యాంటీఆక్సిడెంట్‌గా పనిచేస్తుంది. పసుపులో యాంటీ ఇన్ఫ్లమేటరీ లక్షణాలు కూడా ఉన్నాయి. ఇవి మధుమేహ వ్యాధిగ్రస్తులకు మేలు చేస్తాయి.