మందులో సోడా లేదా కూల్‌డ్రింక్ కలుపుకుని తాగుతున్నారా..? ఈ విషయాలు తెలిస్తే ఇక ముట్టనే ముట్టరు..
చాలా మంది ఆల్కహాల్‌లో నీరు, కూల్ డ్రింక్స్ లేదా సోడా కలిపి తాగుతారు. ఆల్కహాల్‌లో సోడా లేదా కూల్ డ్రింక్స్ మిక్స్ చేసి తాగితే మంచి కిక్ వస్తుందని మందుబాబులు చెబుతాంటారు. అయితే ఇలా చేయడం ఆరోగ్యానికి మంచిది కాదు. దీంతో అనేక అనారోగ్య సమస్యలు తలెత్తుతాయని నిపుణులు హెచ్చరిస్తున్నారు.
మద్యం తాగడం ఆరోగ్యానికి హానికరం.. ప్రస్తుతం కాలంలో చాలా మంది మద్యానికి బానిసలయ్యారు. మద్యపానం ఆరోగ్యానికి ప్రమాదకరమని తెలిసినా, ఈ అలవాటును వదులుకోలేకపోతున్నారు. ఎంతకీ వ్యసనం నుంచి బయటపడలేకపోతున్నారు. చాలా మంది ఆల్కహాల్‌లో నీరు, కూల్ డ్రింక్స్ లేదా సోడా కలిపి తాగుతారు. ఆల్కహాల్‌లో సోడా లేదా కూల్ డ్రింక్స్ మిక్స్ చేసి తాగితే మంచి కిక్ వస్తుందని మందుబాబులు చెబుతాంటారు. అయితే ఇలా చేయడం ఆరోగ్యానికి మంచిది కాదు. దీంతో అనేక అనారోగ్య సమస్యలు తలెత్తుతాయని నిపుణులు హెచ్చరిస్తున్నారు.
శీతల పానీయం ఏదైనా నీటి ఆధారిత రుచి కలిగిన పానీయం. సాధారణంగా జోడించిన స్వీటెనర్‌తో సహా.. ఉపయోగించే రుచులు సహజంగా లేదా కృత్రిమంగా ఉంటాయి. వాస్తవానికి సోడా, సాఫ్ట్ డ్రింక్స్ లో చాలా కేలరీలు ఉంటాయి. సోడా లేదా సాఫ్ట్ డ్రింక్స్.. ఆల్కహాల్ కలిపి తాగడం వల్ల శరీరానికి అదనపు కేలరీలు చేరుతాయి. ఫలితంగా బరువు పెరుగుతారు. అధిక బరువు గుండె జబ్బులు వంటి అనేక వ్యాధుల ప్రమాదాన్ని పెంచుతుంది.
సోడాలోని సోడియమ్ కార్బొనెట్, ఆమ్లాలు జీర్ణవ్యవస్థను దెబ్బతీస్తాయి. ఇది అజీర్ణం, అసిడిటీ వంటి సమస్యలకు దారి తీస్తుంది. కొన్ని సోడాల్లో కెఫిన్ ఉంటుంది. ఇది శరీరాన్ని చురుకుగా ఉంచుతుంది. అయితే, ఆల్కహాల్ శరీరాన్ని నెమ్మదిస్తుంది. ఈ రెండూ కలిపి తాగితే చాలా సేపు మెలకువగా ఉండాల్సి వస్తుంది. కానీ, ఇది చాలా ప్రమాదకరం. ముఖ్యంగా డీహైడ్రేషన్ కు గురికావడం.. తర్వాత తలనొప్పి, వాంతులు.. వంటి సమస్యలు వస్తాయి.
సోడాలో ఫాస్పోరిక్ యాసిడ్ ఉంటుంది. ఇది ఎముకలను బలహీనపరుస్తుంది, కిడ్నీలను కూడా దెబ్బతీస్తుంది.. దంతాలకు కూడా మంచిది కాదు. సోడా, కూల్ డ్రింక్స్ లలో అధిక ఫ్రక్టోజ్ కార్న్ సిరప్ అనే చక్కెర ఉంటుంది. ఇది శరీరానికి చాలా హానికరం. ఇది బరువు పెరగడం, మధుమేహం వంటి సమస్యలను కలిగిస్తుంది. సోడాతో మద్యం తాగడం వల్ల ఈ సమస్యలు మరింత తీవ్రమవుతాయి.
దీని ప్రభావం త్వరితగతిన కలుగుతుంది.. అలాంటప్పుడు మద్యం ఎంత తాగుతుననారనే అవగాహన సోయి కూడా ఉండదు.. తాగుతూనే ఉంటారు. దీనివల్ల బానిసగా మారి అనతికాలంలోనే శరీరంపై నియంత్రణ కోల్పోయే అవకాశం ఉంది. ఈ బుడగలు ఆల్కహాల్ కడుపు నుండి ప్రేగులకు త్వరగా వెళ్ళేలా చేస్తాయి. ఇక్కడ ఆల్కహాల్ శరీరంలోకి త్వరగా శోషించబడుతుంది. ఫలితంగా, మత్తు త్వరగా పెరుగుతుంది. దీనివల్ల మనం ఎక్కువగా మద్యం తాగే అవకాశం ఉంది. ఇది చాలా ప్రమాదకరం.
ఆల్కహాల్‌లో సోడా కలిపితే, దానిలో కొన్ని మార్పులు సంభవిస్తాయి. దీన్ని తాగడం వల్ల ఆరోగ్య సమస్యలు పెరుగుతాయి. సోడా ఒక కార్బోనేటేడ్ డ్రింక్. సాధారణంగా ఇందులో చాలా నురగ ఉంటుంది.. ఇవి శరీరం ఆల్కహాల్‌ను వేగంగా గ్రహించేలా చేస్తాయి. అయితే.. సోడా, డ్రింక్స్ కు బదులుగా కొంచెం నీరు లేదా పండ్ల రసం కలుపుకుని తాగలని సూచిస్తున్నారు.. ఇలా చేయడం వల్ల ఆల్కహాల్ రక్తంలోకి త్వరగా చేరదు. ఇంకా ప్రత్యామ్నాయంగా తక్కువ కేలరీల సోడాను ఎంచుకోండి.
ఈ విషయాలను గమనించండి: మద్యపానం ఆరోగ్యానికి ప్రమాదకరం.. ఇది కుటుంబాలను చిన్నాభిన్నం చేస్తుంది.. ఇంకా మద్యం తాగి వాహనాలను నడపకండి.. మీ కుటుంబాలను .. అవతలి వారి కుటుంబాలను ప్రమాదంలో పడేయకండి..