Tollywood Heroes: ఆ హీరోల సమస్య ఈసారి తీరేనా.? సినిమాలను హిట్ వరించనుందా.?
పర్ఫెక్ట్ హిట్ ఒక్కటి కావాలంటున్న టాలీవుడ్‌ హీరోలు మన దగ్గర చాలా మందే. గోపీచంద్‌ టు మంచు విష్ణు.. ఎలాగైనా 2024లో ఒక్క హిట్ అందుకోవాలని తహతహలాడుతున్నారు. మరి ఈ ఏడాది వారు కోరుకున్న విజయం దక్కుతుందా?
ఎన్నాళ్లుగానో సరైన హిట్ కోసం వెయిట్‌ చేస్తున్న శ్రీనువైట్ల తాజాగా విశ్వం విడుదల చేసారు. సరైన హిట్ ఒక్కటి పడితే చాలనే మాట గోపీచంద్‌, దర్శకులకు ఈ సినిమా ఊరట ఇచ్చేలానే కనిపిస్తుంది. చిత్రాలయం స్టూడియోస్‌ వేణు దోనేపూడి, పీపుల్ మీడియా ఫ్యాక్టరీ టి.జి.విశ్వప్రసాద్‌ నిర్మిస్తున్న విశ్వం దసరా కానుకగా బరిలోకి దిగింది.
అటు డిసెంబర్‌ 20 కోసం రెడీ అవుతోంది నితిన్ రాబిన్హుడ్. ఆ రోజున గేమ్‌ చేంజర్‌ బరిలోకి దిగితే రాబిన్హుడ్ సేమ్‌ డేట్‌కి వస్తుందా? రాదా? అనేది వెయ్యి డాలర్ల ప్రశ్న. రాబిన్హుడ్ మూవీతో సాలిడ్ హిట్ కొట్టాలని ప్లాన్ చేస్తున్నారు నితిన్.
అదే రోజు మీద ఆల్రెడీ ఖర్చీఫ్‌ వేసేశారు నాగచైతన్య తండేల్ మూవీతో. కస్టడీ తర్వాత పర్ఫెక్ట్ మూవీ కోసం వెయిట్‌ చేస్తున్నారు నాగచైతన్య. ఈ సినిమాతో బ్లాక్ బస్టర్ అందుకొనేలనే కనిపిస్తున్నారు చైతన్య.
తండేల్ సినిమా నుంచి వచ్చిన టీజర్, పోస్టర్స్ ఆకట్టుకున్నయి. అందులోనూ కార్తికేయ 2తో పాన్ ఇండియా హిట్ అందుకున్న చందు మొండేటి దర్శకుడు కావడంతో సినిమాపై అంచనాలు బాగానే ఉన్నాయి.
ఇటు కన్నప్పని ఈ ఏడాది విడుదల చేస్తామని ఆల్రెడీ చెప్పేశారు విష్ణు మంచు. క్రేజీ స్టార్లు చాలా మంది కనిపిస్తారు కన్నప్పలో. భక్తి రస ప్రధానంగా సాగే ఈ సినిమా ఈ తరం ప్రేక్షకులను ఎంతగా ఆకట్టుకుంటుందోననే ఆసక్తి కూడా మొదలైంది.