Thrigun Marriage: చూడముచ్చటైన జంట.. పెళ్లిపీటలెక్కిన ‘డియర్‌ మేఘ’ హీరో.. బ్యూటిఫుల్ ఫొటోస్‌ చూశారా?
టాలీవుడ్‌ యంగ్‌ హీరో త్రిగుణ్ అలియాస్‌ అదిత్‌ అరుణ్‌ ఓ ఇంటివాడయ్యాడు. తమిళనాడుకు చెందిన నివేదితతో కలిసి ఆయన పెళ్లిపీటలెక్కారు. చెన్నై సమీపంలోని తిరుప్పూర్‌లోని ఓ ఫంక్షన్‌ హాల్‌లో త్రిగుణ్- నివేదితల వివాహం గ్రాండ్‌గా జరిగింది.
టాలీవుడ్‌ యంగ్‌ హీరో త్రిగుణ్ అలియాస్‌ అదిత్‌ అరుణ్‌ ఓ ఇంటివాడయ్యాడు. తమిళనాడుకు చెందిన నివేదితతో కలిసి ఆయన పెళ్లిపీటలెక్కారు. చెన్నై సమీపంలోని తిరుప్పూర్‌లోని ఓ ఫంక్షన్‌ హాల్‌లో త్రిగుణ్- నివేదితల వివాహం గ్రాండ్‌గా జరిగింది.
ఇరు కుటుంబ సభ్యులు, అతి కొద్ది మంది సన్నిహితులు, స్నేహితుల సమక్షంలో నివేదిత మెడలో మూడు ముళ్లు వేశాడు త్రిగుణ్. సినీ పరిశ్రమకు చెందిన పలువురు నటీనటులు ఈ పెళ్లి వేడుకకు హాజరయ్యారు. నూతన దంపతులను ఆశీర్వదించారు.
ప్రస్తుతం త్రిగుణ్- నివేదిత పెళ్లి వేడుకకు సంబంధించిన ఫొటోలు సోషల్‌ మీడియాలో వైరలవుతున్నాయి. పలువురు సినీ ప్రముఖులు, అభిమానులు, నెటిజన్లు కొత్త జంటకు శుభాకాంక్షలు తెలుపుతున్నారు.
కథ’ అనే తెలుగు చిత్రంతో త్రిగుణ్ హీరోగా ఎంట్రీ ఇచ్చాడు. ఆతర్వాత వీకెండ్‌ లవ్‌, తుంగభద్ర, పీఎస్వీ గరుడవేగ, మనసుకు నచ్చింది అనే సినిమాలతో తెలుగు ప్రేక్షకులకు బాగా చేరువయ్యాడు.
ఇక ఆర్జీవీ తెరకెక్కించిన కొండా చిత్రంతో బాగా పాపులర్‌ అయ్యాడు త్రిగుణ్ .అలాగే డియర్‌ మేఘ, WWW, కడేవర్‌, ప్రేమదేశం తదితర సినిమాల్లోనూ నటించి యూత్‌తో మంచి గుర్తింపు తెచ్చుకున్నాడు.