రైతన్న గా మారిన పీపుల్స్ స్టార్ ఆర్ నారాయణ మూర్తి ..ధనికులు ధనికులే పేద వారు పేద వారే..!
ప్రముఖ సినీనటులు, దర్శక నిర్మాత, సామాజిక విశ్లేషకులు ఆర్. నారాయణమూర్తి స్వీయ దర్శకత్వంలో నిర్మిస్తున్న చిత్రం రైతన్న. ఈ సందర్భంగా పీపుల్స్ స్టార్ ఆర్ నారాయణ మూర్తి మాట్లాడుతూ:....
ప్రముఖ సినీనటులు, దర్శక నిర్మాత, సామాజిక విశ్లేషకులు ఆర్. నారాయణమూర్తి స్వీయ దర్శకత్వంలో నిర్మిస్తున్న చిత్రం రైతన్న. ఈ సినిమా ప్రస్తుతం పోస్ట్ ప్రొడక్షన్ కార్యక్రమాలు జరుగుతున్నాయి.
ఈ సందర్భంగా పీపుల్స్ స్టార్ ఆర్ నారాయణ మూర్తి మాట్లాడుతూ రైతన్న సినిమా డబ్బింగ్,ఎడిటింగ్, ఫైనల్ మిక్సింగ్ కార్యక్రమాలు అయిపోయాయి మరొక వారం రోజుల్లో ఫస్ట్ కాపీ వస్తుంది సెన్సార్ కార్యక్రమాలు పూర్తి చేసి మార్చిలో సినిమాను రిలీజ్ చేస్తాము అన్నారు .
కేంద్ర ప్రభుత్వం నూతన వ్యవసాయ విద్యుత్ చట్టాలను తీసుకొని వచ్చింది. అవి రైతులకు వరాలు కావు.మరణ శాసనాలు.పంజాబ్ హర్యానా, బీహార్, మహారాష్ట్ర, మరియు దక్షిణాది రాష్ట్రాలలో కేంద్ర ప్రభుత్వం తీసుకు వచ్చిన చట్టాలను రద్దుచేయాలని స్వామినాథన్ కమిటీ సిఫార్స్ లను అమలు చేయాలని పెద్ద ఎత్తున రైతులు ఉద్యమం చేస్తున్నారు.
కేంద్ర ప్రభుత్వానికీ నరేంద్ర మోడి గారికి విజ్ఞప్తి చేస్తున్నాను..రైతులంటే మీకు ఎంతో గౌరవం అని చెప్పారు.ఆ రైతుల పట్ల మీకు అంత గౌరవం వుంటే మీరు తీసుకువచ్చిన వ్యవసాయ, విద్యుత్ చట్టాలను రద్దు చేయాలి అని విజ్ఞప్తి చేస్తున్నాను .అని ఆయన అన్నారు .