Cinema : థియేటర్లలో ఎవరూ పట్టించుకోలేదు.. ఓటీటీలో మాత్రం దుమ్మురేపుతున్న మూవీ.. ఒక్కో ట్విస్టుకు మైండ్ బ్లాకే..
ఓటీటీలో కొత్త కొత్త సినిమాలు సంచలనం సృష్టిస్తున్నాయి. ముఖ్యంగా వీకెండ్ లో హారర్, సస్పెన్స్ వంటి జానర్ చిత్రాలు దూసుకుపోతున్నాయి. అయితే ఇప్పుడు ఓ థ్రిల్లర్ సినిమా ఇప్పుడు ఓటీటీను షేక్ చేస్తుంది. ఇక్కడ ట్విస్ట్ ఏంటంటే.. ఈ సినిమా థియేటర్‌లో అట్టర్ ఫ్లాప్ అయింది. కానీ ఓటీటీలో మాత్రం చెడుగుడు ఆడేస్తుంది. ఇంతకీ ఆ సినిమా ఏంటో తెలుసుకుందామా.
ప్రస్తుత కాలంలో సినిమా ప్రేక్షకుడి ఆలోచనా విధానం పూర్తిగా మారిపోయింది. థియేటర్‌లో పెద్దగా ఆదరణ నోచుకోని ఎన్నో సినిమాలు, డిజిటల్ మాధ్యమాలకు వచ్చేసరికి సరికొత్త రికార్డులను సృష్టిస్తున్నాయి. ముఖ్యంగా క్రైమ్, సస్పెన్స్ , ఇన్వెస్టిగేటివ్ థ్రిల్లర్ జోనర్ చిత్రాలకు ఓటీటీలో అద్భుతమైన ఆదరణ లభిస్తోంది.
సినిమా విడుదలైనప్పుడు సరైన బజ్ లేక, బాక్సాఫీస్ వద్ద అట్టర్ ఫ్లాప్‌గా నిలిచిన ఒక అద్భుతమైన థ్రిల్లర్ మూవీ ప్రస్తుతం ప్రముఖ ఓటీటీ ప్లాట్‌ఫామ్‌ జీ5లో ట్రెండ్ అవుతూ ప్రేక్షకులను విపరీతంగా ఆకట్టుకుంటోంది. ఈ చిత్ర కథాంశం అత్యంత రసవత్తరంగా సాగుతుంది. ఒక మిస్టరీ హత్య కేసును ఛేదించే క్రమంలో హీరో లేదా ఇన్వెస్టిగేటివ్ ఆఫీసర్ ఎదుర్కొనే సవాళ్లు, ఆ దర్యాప్తులో వెలుగు చూసే నిగూఢ నిజాలు ప్రేక్షకుడిని మునివేళ్లపై కూర్చోబెడతాయి.
టాలీవుడ్‌లో వైవిధ్యభరితమైన జోనర్ చిత్రాలకు కేరాఫ్ అడ్రస్‌గా నిలిచిన ప్రముఖ దర్శకుడు, నిర్మాత ఎం.ఎస్. రాజు తెరకెక్కించిన సంచలన మిస్టిక్ హారర్ థ్రిల్లర్ మూవీ 'అగధ'. టెన్షన్ పుట్టించే కథాంశంతో, డివైన్ హారర్ ఎలిమెంట్స్‌తో తెరకెక్కిన ఈ చిత్రంలో టెంటెడ్ నటి కామాక్షి భాస్కర్ల ప్రధాన పాత్రలో నటించారు. సినిమా థియేటర్లలో విడుదలైన సమయంలో సరైన బజ్ లేకపోవడం వల్ల బాక్సాఫీస్ వద్ద ఆశించిన స్థాయిలో వసూళ్లను సాధించలేక అట్టర్ ఫ్లాప్‌గా నిలిచింది.
అయితే, థియేటర్ ఫలితంతో సంబంధం లేకుండా ప్రముఖ ఓటీటీ ప్లాట్‌ఫాం జీ5 వేదికగా స్ట్రీమింగ్‌కు వచ్చిన ఈ చిత్రం, డిజిటల్ ఆడియన్స్ నుంచి ఊహించని స్థాయిలో అద్భుతమైన స్పందనను రాబడుతోంది. కథలో వచ్చే ఊహించని ట్విస్టులు, దర్యాప్తు సన్నివేశాలు మరియు ఆత్మల చుట్టూ జరిగే పరిణామాలు ఆకట్టుకున్నాయి. థియేటర్‌లో ఈ సినిమాకు ప్రేక్షకులు దూరంగా ఉండటానికి ప్రమోషన్ లోపాలు కారణమైనప్పటికీ, ఓటీటీలోకి వచ్చాక మాత్రం కంటెంట్ ఉన్న సినిమా ఎప్పటికీ ఫెయిల్ కాదు అనే నిజాన్ని 'అగధ' మరోసారి నిరూపించింది.
మీరు కనుక రొటీన్ ఆత్మల కథలకు భిన్నంగా, సరికొత్త లాజికల్ ట్విస్టులతో సాగే మిస్టిక్ మరియు డివైన్ హారర్ సినిమాలను ఇష్టపడే వారైతే.. 'అగధ' మూవీ మీకు పర్ఫెక్ట్ ఛాయిస్. థియేటర్‌లో ఈ సినిమాను మిస్ అయిన వారు లేదా సరైన రెస్పాన్స్ రాక చూడని వారు, ఇప్పుడు జీ5 ఓటీటీలో స్ట్రీమ్ అవుతున్న ఈ థ్రిల్లర్ చిత్రాన్ని కచ్చితంగా చూడొచ్చు.