
తెలుగు సినీ పరిశ్రమలోకి 'ఉప్పెన'లా దూసుకువచ్చింది హీరోయిన్ కృతిశెట్టి. తొలి సినిమాతోనే సూపర్ హిట్ అందుకోవడమే కాదు.. సౌత్ ఇండస్ట్రీలో తెగ ఫేమస్ అయిపోయింది.

దీంతో ఈ బ్యూటీకి సౌత్ ఇండస్ట్రీలో క్యూ కట్టాయి. బంగార్రాజు, శ్యామ్ సింగరాయ్ సినిమాలతో హిట్స్ అందుకున్నప్పటికీ ఆ తర్వాత ఈ బ్యూటీ నటించిన చిత్రాలు అంతగా ఆకట్టుకోలేకపోయాయి.

ఇక ఆ తర్వాత తెలుగులో కృతికి ఆఫర్స్ తగ్గిపోయాయి. ప్రస్తుతం కృతి చేతిలో రెండు మూడు సినిమాలు మాత్రమే ఉన్నాయి. అలాగే మలయాళంలో పాన్ ఇండియా సినిమా చేస్తుంది.

ఇదిలా ఉంటే..గతంలో కృతి ఓ ఇంటర్వ్యూలో ఆసక్తికర కామెంట్స్ చేసింది. తన చిన్నప్పుడే ఆమె రూ.100 లేదా 150 సంపాదించినట్లుగా చెప్పుకొచ్చింది. ఇంతకీ ఏం చేసేదో తెలుసా.

చిన్నప్పుడు వాళ్ల అమ్మ చెప్పిన పనులు చేస్తే తనకు రూ. 100 లేదా 150 పాకెట్ మనీ ఇచ్చేదని.. అదే తన ఫస్ట్ జాబ్ అంటూ ఫన్నీగా చెప్పుకొచ్చింది కృతి .