అమ్మ చీరలో అందంగా మహానటి.. పెళ్లికూతురుగా ఎంత బాగుందో..
నేను శైలజా సినిమాతో తెలుగు వెండితెరకు పరిచయమైన బ్యూటీ కీర్తి సురేష్. ఈ అమ్మడు మహానటి సినిమా ద్వారా మంచి ఫేమ్ సంపాదించుకుంది. తర్వాత వరసగా ఆఫర్స్ అందుకొని, స్టార్ హీరోల సరసన నటించి, అనతి కాలంలోనే టాలీవుడ్ స్టార్ హీరోయిన్ ఎదిగింది.
ఇక ఈ అమ్మడుకు ప్రస్తుతం తెలుగులో అవకాశాలు తగ్గడంతో ఈ ముద్దుగుమ్మ నార్త్ వైపు కన్నేసింది. అక్కడ పలు సినిమాలు చేస్తూ చాలా బిజీ అయిపోయింది ఈ అమ్మడు.
కీర్తి సరేష్ ఇటీవల తన చిన్ననాటి స్నేహితుడు ఆంటోని థట్టిల్ను ప్రేమించి పెళ్లి చేసుకుంది. అతి కొద్ది మంది బంధుమిత్రుల సమక్షంలో వీరి వివాహం జరిగింది.
దీంతో ఈనటి ఈ మధ్యకాలంలో తన పెళ్లికి సంబంధించిన ఫొటోలు షేర్ చేస్తూ ఇన్స్టాలో సందడి చేస్తున్న విషయం తెలిసిందే. ఇటీవల హల్దీ ఫంక్షన్, మెహందీ ఫంక్షన్, సంగీత్కు సంబంధించిన ఫొటోలను తన ఇన్ స్టాలో షేర్ చేసింది.
అయితే తాజాగా ఈ బ్యూటీ తాను పెళ్లికూతురు గెటప్లో ఉన్న ఫొటోలను అభిమానులతో పంచుకుంది. తన తల్లి పెళ్లి చీరను రీడిజైన్ చేసి తన వివాహ వేడుకకు కట్టుకుంది.
ప్రస్తుతం కీర్తి సురేష్ షేర్ చేసిన తన పెళ్లి ఫొటోలు సోషల్ మీడియాలో తెగ వైరల్ అవుతున్నాయి. దీంతో కీర్తి పెళ్లి కూతురుగా చాలా బాగుంది అని కామెంట్స్ చేస్తున్నారు తన అభిమానులు.