jabardasth Ishwarya: అప్పుడు కమిట్మెంట్ అంటే నాకు అర్ధం కాలేదు..తర్వాత తెలిసి షాక్ అయ్యా
జబర్దస్త్, శ్రీదేవి డ్రామా కంపెనీ షోస్ ద్వారా చాలా మంది పాపులర్ అయ్యారు. వారిలో ఐశ్వర్య ఒకరు. ఈ అందాల భామ క్యూట్ నెస్ తో ఎంతో మంది అభిమానులను సొంతం చేసుకుంది. కాగా గతంలో ఓ ఇంటర్వ్యూలో ఐశ్వర్య ఆసక్తికర కామెంట్స్ చేసింది. అలాగే తన వ్యక్తిగత విషయాల గురించి ఆసక్తికర విషయాలను పంచుకుంది.
జబర్దస్త్, శ్రీదేవి డ్రామా కంపెనీ షోస్ ద్వారా చాలా మంది పాపులర్ అయ్యారు. వారిలో ఐశ్వర్య ఒకరు. ఈ అందాల భామ క్యూట్ నెస్ తో ఎంతో మంది అభిమానులను సొంతం చేసుకుంది. కాగా గతంలో ఓ ఇంటర్వ్యూలో ఐశ్వర్య ఆసక్తికర కామెంట్స్ చేసింది. అలాగే తన వ్యక్తిగత విషయాల గురించి ఆసక్తికర విషయాలను పంచుకుంది. తెలుగు పరిశ్రమకు చెందిన ఒక నటి తన వ్యక్తిగత, వృత్తిపరమైన జీవితంలోని కీలక అంశాలను ఓ ఇంటర్వ్యూలో పంచుకుంది. నాతో నేను చిత్రం ప్రమోషన్ల సందర్భంగా జరిగిన ఒక స్కిట్ కారణంగా తన రిలేషన్ షిప్ బాగా వైరల్ అయ్యిందని, దీనిపై చాలామంది తమది నిజమైన సంబంధం అనుకున్నారని, కొందరు పెళ్లి కూడా అయ్యిందని పొరబడ్డారని ఐశ్వర్య తెలిపింది.
అయితే, ఆ బంధం బ్రేకప్ అయ్యిందని, ప్రేమ అనేది ఎంతో విలువైనదని, అయితే దానికి డిజర్వ్ లేనివారు జీవితంలోకి వస్తే అది నిలబడదని తన అభిప్రాయాన్ని వెల్లడించింది. ప్రస్తుతం తాను సింగిల్ అని, ఈ స్టేజ్ లో ఆనందంగా ఉన్నానని.. పెళ్లి పట్ల ప్రస్తుతం తనకు పెద్దగా ఆసక్తి లేదని, తల్లి చూసిన సంబంధాన్ని చేసుకోవడానికి సిద్ధమని, అయితే అంతకంటే ముందు ఇల్లు పూర్తిగా సెటిల్ చేసుకోవాలని కోరుకుంటున్నానని చెప్పుకొచ్చింది. పరిశ్రమలో ఎదురైన చేదు అనుభవాలను గురించి మాట్లాడుతూ..
కమిట్మెంట్ పేరుతో ఇబ్బందులు ఎదుర్కొన్నానని చెప్పింది. ముందుగా కథ వినడానికి వెళ్ళినప్పుడు సమస్యలు ఉండేవని కాదని, అగ్రిమెంట్ ముందు రోజు రాత్రి కొంతమంది ప్రొడ్యూసర్లు, డైరెక్టర్లు ఫోన్ చేసి క్రష్ ఉంది, ఇంట్రెస్ట్ ఉంది అంటూ మాట్లాడేవారని ఆమె పేర్కొంది. ఒకసారి నేరుగా కూర్చుని మాట్లాడుతున్నప్పుడు కమిట్మెంట్ అని అడగగానే, తనకు ఆ పదం సినిమాల్యాంగ్వేజ్ ఉన్న అర్థం తెలియక, తాను పని పట్ల చాలా కమిట్మెంట్తో, హార్డ్ వర్క్ తో ఉంటానని చెప్పినట్లు వెల్లడించారు. ఆ తర్వాత దాని అర్థం తెలుసుకుని, ఒక డైరెక్టర్ని కొట్టి బయటికి వచ్చానని తెలిపింది.
టీవీ షోలు, సీరియల్స్, సినిమాలు, వెబ్ సిరీస్లు నిరంతరం చేసినప్పటికీ, తనకు సరైన బ్రేక్ రాలేదని ఆమె ఆవేదన వ్యక్తం చేసింది. మంచి కథలు చెప్పినా, షూటింగ్ తర్వాత 24 క్రాఫ్ట్స్ లో ఎక్కడో లోపం వల్ల లేదా డైరెక్టర్ సరిగా కన్వే చేయకపోవడం వల్ల అవుట్ పుట్ అనుకున్నట్లు రాకపోవచ్చని చెప్పుకొచ్చింది. కేరాఫ్ బాయ్స్ కేరాఫ్ గర్ల్స్ (KBKG) షో నుంచి తన ఎలిమినేషన్ పట్ల బాధపడినట్లు చెప్పింది. అగ్రిమెంట్ లో ఎలిమినేషన్ల గురించి ప్రస్తావించలేదని, మొదటిసారి ఇద్దరిని, రెండోసారి ఒకరిని ఎలిమినేట్ చేసి ప్రేరణను రీప్లేస్ చేయడం తనకు అర్థం కాలేదని తెలిపింది
భవిష్యత్ ప్రాజెక్టుల గురించి ప్రస్తావిస్తూ, ప్రస్తుతం కామాఖ్య అనే సినిమాలో మంచి పాత్రలో నటిస్తున్నానని తెలిపింది. ప్రైమ్కు శోభిత గారితో చేసిన ఒక సినిమా రిలీజ్ అయ్యిందని, అయితే దేవి అండ్ డాని సినిమాలో తన సీన్స్ చాలావరకు కట్ అయ్యాయని తెలిపింది. ఒక వెబ్ సిరీస్ చేస్తున్నానని, తన యూట్యూబ్ ఛానెల్ ఐషు ముచ్చట్లు కోసం కూడా ప్రణాళికలు రచిస్తున్నానని తెలిపింది. బిగ్ బాస్ ఆఫర్ వచ్చిందని, ఇంటర్వ్యూలు కూడా జరిగాయని, అయితే ఇంట్లోకి ఎందుకు పిలవలేదో తనకు తెలియదని అన్నారు. బిగ్ బాస్ అంటే తన తల్లికి, తమ్ముడికి చాలా ఇష్టమని, వారి కోసమైనా వెళ్లాలనుకుంటేనని చెప్పుకొచ్చింది.