Cinema : 54 రోజులుగా థియేటర్లలో సంచలనం.. 1.53 కోట్ల మందికి పైగా నచ్చిన సినిమా.. 400 కోట్ల కలెక్షన్స్..
చాలా తక్కువ బడ్జెట్‌తో నిర్మించి, మొదట్లో చాలామంది తిరస్కరించిన ఈ చిత్రం బాక్సాఫీస్ వద్ద అద్భుతాలు సృష్టించింది. గత యాభై రోజులుగా ఈ చిత్రం భారీ వసూళ్లను రాబడుతోంది. నీమ్ కరోలి బాబా జీవితానికి సంబంధించిన భక్తి, ఆధ్యాత్మికత ఆధారంగా రూపొందిన చిత్రం బాక్సాఫీస్ వద్ద అనూహ్యంగా దూసుకుపోతోంది.
సినిమా పరిశ్రమలో వందల కోట్ల బడ్జెట్‌తో తెరకెక్కే భారీ చిత్రాలు డిజాస్టర్లుగా మారుతున్న రోజుల్లో.. పరిమిత బడ్జెట్‌తో వచ్చి బాక్సాఫీస్‌‌ను షేక్ చేసిన అద్భుతం 'హనుమాన్ అంశ'. ఏమాత్రం హంగులు, ఆర్భాటాలు లేకుండా విడుదలైన ఈ భక్తిరస చిత్రం బాక్సాఫీస్ వద్ద సరికొత్త చరిత్రను తిరగరాసింది. కేవలం స్వల్ప బడ్జెట్‌తో తెరకెక్కిన ఈ సినిమా, ఏకంగా 15,000 శాతానికి పైగా లాభాలను ఆర్జించి భారతీయ చిత్రసీమలోనే అత్యంత లాభదాయకమైన చిత్రాలలో ఒకటిగా నిలిచింది.
ప్రముఖ సిరియా బాబా , నేమ్ కరోలీ బాబా మహత్యం, ఆధ్యాత్మిక అంశాల నేపథ్యంతో తెరకెక్కిన ఈ చిత్రం ప్రేక్షకుల హృదయాలను అమితంగా ఆకట్టుకుంది. థియేటర్లకు వచ్చిన జనం ప్రవాహంలా తరలిరావడంతో, ప్రపంచవ్యాప్తంగా ఏకంగా 1.5 కోట్లకు పైగా మంది ప్రేక్షకులు ఈ సినిమాను థియేటర్లలో వీక్షించారు. చిన్న చిత్రంగా విడుదలైనప్పటికీ, పబ్లిసిటీ కంటే కూడా "వర్డ్ ఆఫ్ మౌత్" (ప్రేక్షకుల ప్రశంసలు)తోనే ఈ చిత్రం అసాధారణమైన కలెక్షన్లను సాధించింది.
బాక్సాఫీస్ విశ్లేషకుల ప్రకారం, ఈ చిత్రం పెట్టిన పెట్టుబడికి ఏకంగా వందల రెట్ల రాబడిని రాబట్టింది. హిందీ బెల్ట్‌తో పాటు దేశవ్యాప్తంగా పలు ప్రాంతాల్లో థియేటర్ల నిర్వాహకులు ఈ సినిమా విజయాన్ని చూసి ఆశ్చర్యపోయారు. భక్తి, ఆధ్యాత్మికత , నిజమైన విశ్వాసంతో రూపొందించిన కథలకు నేటికీ ప్రేక్షకాదరణ తగ్గలేదని ఈ చిత్రం నిరూపించింది.
రోలీ బాబా మహిమలు, ఆయన భక్తుల అనుభవాలు , 'హనుమాన్ అంశ'కు ఉన్న అనుబంధాన్ని దర్శకుడు తెరపై ఎంతో ప్రతిభావంతంగా చూపించారు. సినిమా చూసిన ప్రతి ఒక్కరూ భావోద్వేగానికి గురికావడమే కాకుండా, థియేటర్లలో ఆధ్యాత్మిక వాతావరణం నెలకొంది. ఓవైపు రూ. 200-300 కోట్ల బడ్జెట్ సినిమాలే కలెక్షన్ల కోసం తిప్పలు పడుతుంటే.. అతి తక్కువ ఖర్చుతో రూపొంది, 15,000 శాతం లాభాలను అందించిన ఈ చిత్రం సినీ చరిత్రలో ఒక అరుదైన రికార్డుగా నిలిచిపోనుంది.
ఈ చిత్రం విడుదలైన 54వ రోజున భారతదేశంలో 4411 షోల నుండి రూ. 3.10 కోట్ల నికర వసూళ్లను రాబట్టింది. అంతకు ముందు రోజు, అంటే సోమవారం నాడు, ఈ చిత్రం రూ. 2.25 కోట్లు సంపాదించింది. అందువల్ల, 54 రోజుల తర్వాత, భారతదేశంలో ఈ చిత్రం మొత్తం నికర వసూళ్లు రూ. 312.38 కోట్లకు చేరుకున్నాయి. కాగా, దేశంలో స్థూల వసూళ్లు రూ. 369 కోట్లకు చేరుకున్నాయి. సెప్టెంబర్ 11న 'హనుమాన్ అంశ్' విదేశాలలో కూడా విడుదలైంది. విదేశాలలో సుమారు రూ. 39 కోట్ల స్థూల వసూళ్లతో, ఈ చిత్రం మొత్తం ప్రపంచవ్యాప్త వసూళ్లు రూ. 408 కోట్లకు చేరుకున్నాయి.