Cinema : ఇదేం సినిమా మావ.. ఓటీటీని ఊపేస్తున్న క్రైమ్ థ్రిల్లర్.. 8 ఏళ్లైనా తగ్గని క్రేజ్..
ఓటీటీలో కొత్త కొత్త క్రైమ్ థ్రిల్లర్, సస్పెన్స్, మిస్టరీ చిత్రాలు చూసేందుకు జనాలు తెగ ఆసక్తి చూపిస్తున్నారు. స్టార్ హీరోహీరోయిన్స్ లేకపోయినా కంటెంట్ బాగుంటే భారీ విజయాన్ని అందుకుంటున్నాయి. ప్రస్తుతం మనం మాట్లాడుకుంటున్న ఒక సినిమా ఓటీటీలో దూసుకుపోతుంది. ఇంతకీ ఈ సినిమా పేరెంటో తెలుసుకుందామా
ఇటీవల కాలంలో ఓటీటీ ప్రియులకు సరికొత్త కంటెంట్ అందుబాటులోకి వస్తోంది. భాషతో సంబంధం లేకుండా కంటెంట్ బాగుంటే చాలు ప్రేక్షకులు బ్రహ్మరథం పడుతున్నారు. గతంలో థియేటర్లలో సంచలనం సృష్టించిన ‘కాంతార’ వంటి చిత్రాలు ఓటీటీలోనూ సుదీర్ఘ కాలం పాటు ట్రెండింగ్లో నిలిచాయి. అయితే, ఇప్పుడు ఒక అద్భుతమైన సస్పెన్స్ థ్రిల్లర్ చిత్రం అమెజాన్ ప్రైమ్ వీడియోలో రిషబ్ శెట్టి ‘కాంతార’ రికార్డులను సైతం అధిగమించి, టాప్ ప్లేస్లో దూసుకుపోతోంది. ఆ చిత్రమే ‘వడ చెన్నై’ (Vada Chennai).
ధనుష్ హీరోగా, టాలెంటెడ్ డైరెక్టర్ వెట్రిమారన్ కాంబినేషన్లో వచ్చిన ఈ చిత్రం కల్ట్ క్లాసిక్గా నిలిచింది. కేవలం రెండు గంటల నిడివితో సాగే ఈ రా అండ్ రస్టిక్ పొలిటికల్ యాక్షన్ థ్రిల్లర్ ఇప్పుడు ఓటీటీ ప్లాట్ఫారమ్పై ప్రకంపనలు సృష్టిస్తోంది. థియేటర్లలో విడుదలైన సమయంలోనే కాకుండా, డిజిటల్ ప్లాట్ఫారమ్లోనూ ఈ సినిమాకు వస్తున్న రెస్పాన్స్ చూసి ట్రేడ్ వర్గాలు సైతం ఆశ్చర్యపోతున్నాయి. ఉత్తర చెన్నై (నార్త్ చెన్నై) బ్యాక్డ్రాప్లో సాగే గ్యాంగ్స్టర్ డ్రామా ఇది.
ఒక సాధారణ కేరమ్స్ ప్లేయర్ అయిన అన్బు (ధనుష్), తన ప్రాంతంలోని రాజకీయాలు, మాఫియా శక్తుల మధ్య ఎలా చిక్కుకున్నాడు? స్థానిక గ్యాంగ్ల మధ్య జరిగే పగ, ప్రతీకారాలు అతని జీవితాన్ని ఎలా మార్చేశాయి? అనే కథాంశంతో వెట్రిమారన్ ఈ చిత్రాన్ని అద్భుతంగా తెరకెక్కించారు. సస్పెన్స్, లవ్, ఎమోషన్, పొలిటికల్ డ్రామా వంటి అన్ని అంశాలను సమపాళ్లలో కుదిర్చి, ప్రేక్షకుడిని సీటు అంచున కూర్చోబెట్టేలా స్క్రీన్ప్లే డిజైన్ చేశారు. ఈ సినిమాలో ధనుష్ నటన వన్మెన్ షో అని చెప్పొచ్చు. ఆ పాత్రలో ఆయన జీవించారు. సముద్రఖని, అమీర్, ఆండ్రియా, ఐశ్వర్య రాజేష్ వంటి ప్రతి ఒక్క నటుడు తమ పాత్రలకు వంద శాతం న్యాయం చేశారు.
సంతోష్ నారాయణన్ అందించిన బ్యాక్గ్రౌండ్ స్కోర్ సినిమాకు ప్రధాన బలంగా నిలిచింది. సినిమాలో వచ్చే ప్రతి ట్విస్ట్ ఊహకందని విధంగా ఉంటూ.. ప్రేక్షకుడికి మైండ్ బ్లోయింగ్ ఎక్స్పీరియన్స్ ఇస్తుంది. అమెజాన్ ప్రైమ్లో సాధారణంగా కమర్షియల్ సినిమాలకు వ్యూయర్ షిప్ ఎక్కువగా ఉంటుంది. కానీ, ఎంతో డార్క్ అండ్ ఇంటెన్స్ కంటెంట్ ఉన్న ‘వడ చెన్నై’ ఇప్పుడు ‘కాంతార’ లాంటి బిగ్గెస్ట్ హిట్లను వెనక్కి నెట్టి ట్రెండింగ్లో నంబర్ వన్ స్థానాన్ని దక్కించుకోవడం విశేషం.
2018లో విడుదలైన ఈ సినిమా అప్పట్లో సంచలనం సృష్టించింది. ప్రస్తుతం ఈ చిత్రానికి ఐఎండీబీలో 8.4 రేటింగ్ ఉంది. ఈ సినిమాకు తెలుగులోనూ మంచి ప్రశంసలు వచ్చాయి. వడ చైన్నై ఒక ప్రతిభావంతులైన క్యారమ్ ఆటగాడి చుట్టూ తిరుగుతుంది. సస్పెన్స్ థ్రిల్లర్ సినిమాలను ఇష్టపడే వారికి, క్వాలిటీ కంటెంట్ చూడాలనుకునే వారికి ఈ వీకెండ్లో ‘వడ చెన్నై’ ఒక పర్ఫెక్ట్ ఛాయిస్ అని చెప్పొచ్చు. ఒకవేళ మీరు ఇంకా ఈ సినిమాను చూడకపోతే, అమెజాన్ ప్రైమ్లో వెంటనే వాచ్ చేసేయండి.