పైన పేర్కొన్న ఫోటోలోని చిన్నారిని గుర్తుపట్టారా.? అమాయకపు చూపుతో.. ముద్దుముద్దుగా కనిపిస్తోన్న ఈ బుజ్జాయి.. ఇప్పుడొక క్రేజీ హీరోయిన్. తొలి సినిమాతోనే ఇండస్ట్రీని షేక్ చేసింది ఈ సుందరి. అందం, అమాయకత్వం కలబోసినట్లుగా కనిపిస్తూ నెటిజన్లను మాయ చేస్తుంది.
తెలుగులో ఫస్ట్ మూవీతోనే బ్లాక్ బస్టర్ హిట్ అందుకున్న ఈ ముద్దుగుమ్మ ఆ తర్వాత మాత్రం అదే క్రేజ్ కొనసాగించలేకపోయింది. ఆమె మరెవరో కాదు అర్జున్ రెడ్డి బ్యూటీ షాలిని పాండే.
విజయ్ దేవరకొండ, డైరెక్టర్ సందీప్ రెడ్డి వంగా కలయిక వచ్చిన చిత్రం అర్జున్ రెడ్డి. ఈ సినిమా బాక్సాఫీస్ వద్ద సంచలనం సృష్టించింది. హీరోగా విజయ్ దేవరకొండకు మంచి క్రేజ్ తీసుకువచ్చింది. అలాగే షాలిని పాండేకు ఇది తొలి తెలుగు సినిమా అయినప్పటికీ.. అందం, అభినయంతోపాటు అమాయకమైన నటనతో ప్రేక్షకులను కట్టిపడేసింది.
అర్జున్ రెడ్డి తర్వాత మహానటి సినిమాలో కీలకపాత్ర పోషించింది. ఆ తర్వాత తెలుగులో పలు సినిమాల్లో మెరిసింది. కానీ ఈ బ్యూటీకి మాత్రం ఆశించినంతగా క్రేజ్ రాలేదు.
ఇటీవల అమీర్ ఖాన్ తనయుడితో మహారాజ్ అనే సినిమాతో ప్రేక్షకుల ముందుకు వచ్చి.. మంచి హిట్ సాధించింది. ఈ సినిమాలో షాలినీ పాండే నటనకు గానూ మంచి మార్కులు పడ్డాయి.
తాజాగా ఈ బ్యూటీ షేర్ చేసిన ఫోటోస్ సోషల్ మీడియాలో తెగ వైరలవుతున్నాయి. గ్లామరస్గా, బికినీలో పోజులిచ్చిన ఈ బ్యూటీ.. కుర్రకారు కునుకు వేయకుండా చేస్తోంది.