Tollywood: చిన్నప్పుడు అవార్డులు.. ఇప్పుడు వరుస హిట్లు.. టాలీవుడ్ మోస్ట్ క్రేజీ హీరోయిన్..
తెలుగు సినీరంగంలో విపరీతమైన ఫ్యాన్ పాలోయింగ్ ఉన్న హీరోయిన్లలో ఆమె ఒకరు. తెలుగులో నటించింది తక్కువ సినిమాలే అయినప్పటికీ మంచి క్రేజ్ సంపాదించుకుంది. మత్తెక్కించే కల్లు.. ప్రేమలో పడేసే నవ్వుతో కుర్రకారును ఆగం చేస్తుంది ఈ వయ్యారి. తాజాగా ఆమె చైల్డ్ హుడ్ ఫోటో నెట్టింట తెగ వైరలవుతుంది. ఇంతకీ ఈ అమ్మడు ఎవరో గుర్తుపట్టారా.. ?
ప్రస్తుతం సోషల్ మీడియాలో ఓ హీరోయిన్ చైల్డ్ హుడ్ ఫోటో తెగ ఆకట్టుకుంటుంది. చిన్నప్పుడే అవార్డులు అందుకున్న ఈ అమ్మడు.. ఇప్పుడు వరుస ఆఫర్స్ అందుకుంటుంది. తెలుగులో ఇప్పుడిప్పుడే ఫాలోయింగ్ సంపాదించుకుంటున్న ఈ అమ్మడు మరెవరో కాదు.. నభా నటేష్.
నన్ను దోచుకుందువటే సినిమాతో తెలుగు తెరకు పరిచయమైంది. ఆ తర్వాత బ్యాక్ టూ బ్యాక్ సినిమాలతో అందరి దృష్టిని ఆకర్షించింది. కానీ వరుస సినిమాలు చేసిన సక్సెస్ మాత్రం అందుకోలేకపోయింది. అదే సమయంలో పూరి డైరెక్షన్లో నటించింది.
పూరి జగన్నాథ్ దర్శకత్వంలో ఇస్మార్ట్ శంకర్ సినిమా ఆఫర్ అందుకుంది. ఈ మూవీ భారీ విజయాన్ని అందుకున్నప్పటికీ ఆ తర్వాత మాత్రం వరుస ప్లాపులతో నెట్టుకొచ్చింది. కెరీర్ మంచి ఫాంలో ఉండగానే ప్రమాదానికి గురయ్యింది.
దీంతో కొన్నాళ్లపాటు సినిమాలకు గ్యాప్ ఇచ్చిన ఈ బ్యూటీ.. ఇప్పుడిప్పుడే తిరిగి సినిమాల్లోకి ఎంట్రీ ఇస్తుంది. ఇటీవలే డార్లింగ్ మూవీతో అడియన్స్ ముందుకు వచ్చింది. కానీ ఆ మూవీ సైతం నిరాశపరిచింది.
ప్రస్తుతం నిఖిల్ సిద్ధార్థ్ సరసన స్వయంభు మూవీలో నటిస్తుంది. అలాగే సోషల్ మీడియాలో చాలా యాక్టివ్ గా ఉంటూ నెట్టింట నిత్యం ఏదోక పోస్ట్ చేస్తుంది. తాజాగా ఈ అమ్మడు చీరకట్టులో ఉన్న ఫోటోస్ తెగ వైరలవుతున్నాయి.