Horror Movies: హారర్ సినిమాల కోసం చూస్తున్నారా.. ? అయితే ఓటీటీలో దుమ్మురేపుతున్న ఈ చిత్రాలు చూడాల్సిందే.. ఒక్కో సినిమా వేరేలెవల్..
సాధారణంగా హారర్ సినిమాలు చూసేందుకు జనాలు తెగ ఆసక్తి చూపిస్తుంటారు. వణుకుపుట్టించే విజువల్స్ ఉన్నప్పటికీ ఆ సినిమాలు ఒంటరిగా చూస్తూ ఎంజాయ్ చేస్తుంటారు. సస్పెన్స్, హారర్, థ్రిల్లర్ చిత్రాలు, సిరీస్ లు చూసేందుకు ఇష్టపడే మీ ముందుకు ఇప్పుడు కొన్ని సినిమాలు తీసుకువచ్చాం. నిజానికి అవెంటో చూడండి.
ప్రముఖ భారతీయ సినిమా, టెలివిజన్ నిర్మాత అయిన ఏక్తా కపూర్, కుటుంబ కథలకు అతీతంగా హారర్ చిత్రాలను నిర్మించడంలో తనకంటూ ఒక ప్రత్యేక స్థానాన్ని సంపాదించుకున్నారు. ఆమె నిర్మించిన 6 ముఖ్యమైన హారర్ చిత్రాలు ఇప్పుడు ఓటీటీలో దూసుకుపోతున్నాయి. మొదటిది కృష్ణ కాటేజ్ (2004) - ఏక్తా కపూర్ తొలి నిర్మాణాలలో ఒకటైన ఈ చిత్రం ఒక కల్ట్ క్లాసిక్ హిట్ అనే చెప్పుకోవాలి. సోహైల్ ఖాన్, ఇషా కొప్పికర్, అనితా నటించిన ఈ కథ, పూర్వజన్మ ప్రేమ, ఒక శాపగ్రస్త పుస్తకం చుట్టూ తిరుగుతుంది. కళాశాల స్నేహితులు ఒక పాత బంగ్లాలో బస చేసినప్పుడు జరిగే భయంకరమైన సంఘటనలను ఈ చిత్రం వివరిస్తుంది. ఇది జియో హాట్స్టార్, ప్రైమ్ వీడియోలో అందుబాటులో ఉంది.
రాగిణి MMS (2011) . అమెరికన్ చిత్రం 'పారానార్మల్ యాక్టివిటీ' శైలిలో ఒక నిజ జీవిత కథ ఆధారంగా రూపొందించిన చిత్రం. రాజ్కుమార్ రావు ప్రధాన పాత్రలో నటించిన ఈ చిత్రం, పాడుబడిన ఇంట్లో రహస్య కెమెరాలలో రికార్డ్ చేయబడిన దెయ్యాల కార్యకలాపాలను సజీవంగా చిత్రీకరించింది. ఉత్కంఠభరితమైన, థ్రిల్లర్ అంశాలతో నిండిన ఈ చిత్రం నెట్ఫ్లిక్స్లో అందుబాటులో ఉంది.
ఏక్ థీ దాయన్ (2013). ఏక్తా కపూర్, విశాల్ భరద్వాజ్ దర్శకత్వం వహించిన ఈ చిత్రంలో ఇమ్రాన్ హష్మీ, కొంకణా సేన్ శర్మ , హుమా ఖురేషి నటించారు. భారతీయ జానపద కథల నేపథ్యంలో సాగే ఈ అతీంద్రియ థ్రిల్లర్ జియో సినిమా, ఎయిర్టెల్ ఎక్స్స్ట్రీమ్లో అందుబాటులో ఉంది. ఇది ఆద్యంతం ప్రేక్షకులను కట్టిపడేస్తుంది. ఊహించని మలుపులతో సాగుతుంది. నిజానికి ఈ చిత్రానికి ఒకప్పుడు మంచి రెస్పాన్స్ వచ్చింది.
రాగిణి MMS 2 (2014) . మొదటి భాగం భారీ విజయం సాధించడంతో, సన్నీ లియోన్ ప్రధాన పాత్రలో నటించిన ఈ చిత్రం హారర్, గ్లామర్ శైలిలో రూపొందించారు. ఒక చిత్ర బృందం అదే దెయ్యాలున్న ఇంట్లో చిత్రీకరణకు వెళ్లినప్పుడు జరిగే ప్రతీకార కథ ఇది. ఈ చిత్రాన్ని జీ5 మరియు యూట్యూబ్ లో ఉచితంగా చూడవచ్చు. ఒకప్పుడు ఈ సినిమా సినీరంగంలో సంచలనం సృష్టించింది. అలాగే నటీనటులకు స్టార్ డమ్ తెచ్చిపెట్టింది.
యు-టర్న్ (2023) - దక్షిణ భారత బ్లాక్బస్టర్ 'యు-టర్న్' అధికారిక హిందీ రీమేక్. ఇందులో అలయా ఎఫ్ ప్రధాన పాత్రలో నటించారు. ఫ్లైఓవర్పై చట్టవిరుద్ధంగా యు-టర్న్ తీసుకున్న వారి రహస్య మరణాలు, దాని వెనుక ఉన్న అతీంద్రియ, సైకలాజికల్ థ్రిల్లర్ దర్యాప్తు చుట్టూ ఈ కథ తిరుగుతుంది. ఈ చిత్రంలోని సీన్స్, మలుపులు మిమ్మల్ని సీటు అంచున కూర్చునేలా చేస్తాయి. తెలియని శక్తి ప్రాణాలను ఎలా తీస్తుందనేది ఈ చిత్రంలో చూపించారు. ఈ చిత్రం జీ5లో విడుదలైంది.