ఇండస్ట్రీని ఇబ్బంది పెడుతున్న మిడ్ రేంజ్ హీరోల ఫామ్.. అసలు సమస్య ఇదే
ఆ మధ్య ధమాకా, వాల్తేరు వీరయ్యతో ట్రాక్ ఎక్కినట్లే కనిపించిన రవితేజ.. తర్వాత మళ్లీ గాడి తప్పారు. గతేడాది మిస్టర్ బచ్చన్ 10 కోట్లు దాటలేదు. గోపీచంద్ విశ్వం సినిమాకు టాక్ బానే వచ్చినా.. ఆడియన్స్ థియేటర్స్కు రాలేదు. నితిన్, కళ్యాణ్ రామ్ ట్రాక్ తప్పి చాలా ఏళ్ళైంది. మరి వీళ్ళంతా ఫామ్లోకి ఎప్పుడొస్తారో చూడాలి.
తెలుగు ఇండస్ట్రీలో మీడియం రేంజ్ హీరోలను చూస్తుంటేనే భయమేస్తుంది నిర్మాతలకు. స్టార్ హీరోలలో ప్రభాస్ మినహా.. మరెవ్వరూ రెండేళ్ళకు గానీ ఓ సినిమా చేయట్లేదు. దాంతో మిడ్ రేంజ్ హీరోలైనా ఆదుకుంటారేమో అనుకుంటే.. వాళ్ళు మరింత దారుణంగా మారిపోతున్నారు.
నాని ఒక్కడే కన్సిస్టెంట్.. మిగిలిన వాళ్లంతా ఎప్పుడో గానీ ఒక్క హిట్ ఇవ్వట్లేదు. దసరా, హాయ్ నాన్న, సరిపోదా శనివారంతో హ్యాట్రిక్ పూర్తి చేసిన నాని.. హిట్ 3తో మరో హిట్ కొట్టారు. ప్రస్తుతం ప్యారడైజ్తో బిజీగా ఉన్నారు.
ఇక విజయ్ దేవరకొండ కెరీర్ ఏమంత గొప్పగా లేదిప్పుడు. ఖుషీ పర్లేదు అనిపిస్తే.. ఫ్యామిలీ స్టార్ దారుణంగా ముంచేసింది. ప్రస్తుతం రౌడీ బాయ్ ఆశలన్నీ కింగ్ డమ్పైనే ఉన్నాయి. జులై 31న విడుదల కానుంది ఈ చిత్రం. దీని తర్వాత రాహుల్ సంక్రీత్యన్ సినిమా, రౌడీ జనార్ధన లైన్లో ఉన్నాయి.
మీడియం రేంజ్ హీరోలే కదా అని తక్కువగా అంచనా వేయడానికి లేదు.. వాళ్ల సినిమాలు క్లిక్కైతే 100 కాదు.. 200 కోట్లు వస్తాయి. హనుమాన్ సినిమా దీనికి నిదర్శనం. దీనికి 300 కోట్లు వచ్చాయి. కానీ భారీతనం, బడ్జెట్పై పెట్టే ఫోకస్లో కాస్త కూడా కథపై పెట్టట్లేదు మన హీరోలు అంటూ విమర్శలు వస్తున్నాయిప్పుడు. మొన్న తమ్ముడు సినిమాకు కనీసం ఓపెనింగ్స్ రాలేదు.. అలాగే వరుణ్ తేజ్ మట్కాకు కూడా..!
ఆ మధ్య ధమాకా, వాల్తేరు వీరయ్యతో ట్రాక్ ఎక్కినట్లే కనిపించిన రవితేజ.. తర్వాత మళ్లీ గాడి తప్పారు. గతేడాది మిస్టర్ బచ్చన్ 10 కోట్లు దాటలేదు. గోపీచంద్ విశ్వం సినిమాకు టాక్ బానే వచ్చినా.. ఆడియన్స్ థియేటర్స్కు రాలేదు. నితిన్, కళ్యాణ్ రామ్ ట్రాక్ తప్పి చాలా ఏళ్ళైంది. మరి వీళ్ళంతా ఫామ్లోకి ఎప్పుడొస్తారో చూడాలి.