అన్ని వదిలేసిన తర్వాత హాయిగా ఉంది.. షాకింగ్ విషయం చెప్పిన సమీరారెడ్డి
ఒకప్పుడు తన సినిమాలతో ప్రేక్షకులను ఆకట్టుకున్న ముద్దుగుమ్మల్లో సమీరా రెడ్డి ఒకరు.. టాలీవుడ్ లో స్టార్ హీరోలందరి సరసన సినిమాలు చేసింది. ఎన్టీఆర్, చిరంజీవి లాంటి టాలీవుడ్ హీరోలతో పాటు తమిళ్ లో సూర్య తోనూ సినిమా చేసి బ్లాక్ బస్టర్ అందుకుంది.
ఒకప్పుడు తన సినిమాలతో ప్రేక్షకులను ఆకట్టుకున్న ముద్దుగుమ్మల్లో సమీరా రెడ్డి ఒకరు.. టాలీవుడ్ లో స్టార్ హీరోలందరి సరసన సినిమాలు చేసింది. ఎన్టీఆర్, చిరంజీవి లాంటి టాలీవుడ్ హీరోలతో పాటు తమిళ్ లో సూర్య తోనూ సినిమా చేసి బ్లాక్ బస్టర్ అందుకుంది. కానీ ఇప్పుడు ఊహించని విధంగా సినిమాలకు దూరం అయ్యింది.
అందాల భామ సమీరారెడ్డి 2005లో వచ్చిన నరసింహుడు సినిమాతో టాలీవుడ్ కు పరిచయం అయ్యింది సమీరా రెడ్డి. ఆతర్వాత చిరంజీవి నటించిన జై చిరంజీవ సినిమాతో ఆకట్టుకుంది. పెళ్లి తర్వాత ఈ చిన్నది లుక్ మారిపోయింది.. బరువు పెరిగిపోయింది. హార్మోన్స్ ఇన్బ్యాలెన్స్ వల్ల చాలా బరువు పెరిగాను అని తెలిపింది సమీరా రెడ్డి.
సమీరా రెడ్డి తన అందం లేదా రూపానికి పెద్దగా ప్రాధాన్యత ఇవ్వనని చెబుతోంది. తాజాగాసమీరారెడ్డి సోషల్ మీడియాలో ఇలా రాసుకొచ్చింది.. స్టైలిష్గా మీరందరూ చక్కగా దుస్తులు ధరించడాన్ని ఆస్వాదిస్తారా.? నిజం చెప్పాలంటే, నాకు దానిపై ఆసక్తి పోయింది. దానికి ఒక కారణం ఉంది. గతంలో, నా రూపం ఎలా ఉంటుందోనని నేను చాలా ఆందోళన చెందేదాన్ని..
ఫిట్ గాఉండాలని, గ్లామరస్ గా కనిపించాలని, మంచి రూపం ఉండాలని నాలో చాలా ఒత్తిడి ఉండేది. కానీ ఇప్పుడు నాకు, నా రూపమే నా శైలిగా, నా పద్ధతులుగా మారింది. ఒత్తిడి లేదు. మీ రూపం, మీ స్టైల్, ఒత్తిడిని వదిలించుకున్న తర్వాత, వైబ్ భిన్నంగా ఉంటుందని సమీరా రెడ్డి చెప్పుకొచ్చింది.
గతంలో ఆమె ఓ ఇంటర్వ్యూలో మాట్లాడుతూ.. బిడ్డ పుట్టిన తర్వాత హార్మోన్స్ ఇన్బ్యాలెన్స్ వల్ల చాలా బరువు పెరిగాను అని తెలిపింది. అప్పట్లో తన బరువు 105కేజీలకు పైగా ఉండేదని దాని వల్ల చాలా ట్రోల్స్ బారిన పడ్డాను అని తెలిపింది సమీరా. చాలా మంది చాలా రకాలుగా మాట్లాడారు. జనాలు మంచి వాళ్లు కాదు..ఏదైనా సరే చెప్పాలనుకుంటే మొహం మీదే చెప్పేస్తారు. నా పక్క వారు కూడా నన్ను ట్రోల్ చేశారు. కానీ అవి నన్ను అంతగా బాధపెట్టలేదు.