
పాన్ ఇండియా స్థాయిలో భారీ విజయాన్ని అందుకుని టాలీవుడ్లో ప్రత్యేక గుర్తింపు తెచ్చుకున్న యంగ్ హీరో తేజ సజ్జా గురించి ప్రత్యేకంగా చెప్పనవసరం లేదు. చైల్డ్ ఆర్టిస్ట్గా సినీరంగ ప్రవేశం చేసి, ఆ తర్వాత హీరోగా వరుస విజయాలతో దూసుకుపోతున్న ఈ టాలెంటెడ్ యాక్టర్ త్వరలోనే వైవాహిక జీవితంలోకి అడుగుపెట్టబోతున్నారు. సినిమా ఇండస్ట్రీలో ఒకవైపు వరుస ప్రాజెక్ట్లతో బిజీగా గడుపుతూనే, మరోవైపు తన వ్యక్తిగత జీవితంలోనూ ఒక సరికొత్త మైలురాయిని దాటేందుకు సిద్ధమయ్యారు.

తేజ సజ్జా నిశ్చితార్థానికి సంబంధించిన వార్తలు ప్రస్తుతం సోషల్ మీడియాలో తెగ వైరల్ అవుతున్నాయి. కుటుంబ సభ్యులు, అతి కొద్ది మంది అత్యంత సన్నిహితులు, శ్రేయోభిలాషుల సమక్షంలో ఈ వేడుక అత్యంత నిరాడంబరంగా, ఘనంగా జరిగినట్లు తెలుస్తోంది.

సినిమాలలో తనదైన నటనతో ప్రేక్షకులను అలరించే తేజ సజ్జా, రియల్ లైఫ్లోనూ ఒక కొత్త బంధంలోకి అడుగుపెడుతుండటంతో మెగా అభిమానులు, సినీ ప్రముఖులు ఆయనకు సోషల్ మీడియా వేదికగా శుభాకాంక్షలు తెలియజేస్తున్నారు. తేజ సజ్జా వివాహం చేసుకోబోయే అమ్మాయికి సంబంధించిన వివరాలు సినీ వర్గాల్లో ఆసక్తికరంగా మారాయి

టాలీవుడ్కు దూరంగా ఉంటూ, అత్యంత సాధారణ కుటుంబ నేపథ్యం ఉన్న అమ్మాయితో తేజ నిశ్చితార్థం నిశ్చయమైనట్లు సమాచారం. త్వరలోనే ఈ వివాహ వేడుకకు సంబంధించిన అధికారిక తేదీలను, పూర్తి వివరాలను హీరో తేజ సజ్జా స్వయంగా వెల్లడించనున్నట్లు తెలుస్తోంది. ఒకవైపు 'హనుమాన్' వంటి బ్లాక్బస్టర్ తర్వాత పాన్ ఇండియా ప్రాజెక్ట్లతో దూసుకుపోతున్నాడు తేజ సజ్జా.

శాంత్ వర్మ సినిమాటిక్ యూనివర్స్ (PVCU) నుంచి వస్తున్న అత్యంత ప్రతిష్టాత్మక చిత్రం 'జై హనుమాన్'. 'హనుమాన్' చిత్రానికి కొనసాగింపుగా తెరకెక్కుతున్న ఈ సినిమాలో కన్నడ స్టార్ హీరో రిషబ్ శెట్టి హనుమంతుడి పాత్రలో నటిస్తుండగా, తేజ సజ్జా 'హనుమంతు' అనే తన సూపర్ హీరో పాత్రను మరోసారి పోషించనున్నారు. భారీ వీఎఫ్ఎక్స్ హంగులతో రూపొందుతున్న ఈ పాన్ ఇండియా చిత్రంపై దేశవ్యాప్తంగా భారీ అంచనాలు నెలకొన్నాయి.