Top Selling Cars: టాప్ గేర్లో కార్ల అమ్మకాలు.. జూన్లో అత్యధికంగా అమ్ముడైన కార్లు ఇవే.. ఓ లుక్కేయండి..
మన దేశంలో కార్ల వినియోగం గణనీయంగా పెరుగుతోంది. కరోనా అనంతర పరిణామాల్లో ప్రతి ఒక్కరూ తమ కుటుంబానికి ఓ సొంత కారు కావాలని కోరుకుంటున్నారు. దీంతో మార్కెట్లో కార్ల కొనుగోళ్లు కూడా అధికమయ్యాయి. గత రెండేళ్లుగా ఇదే ట్రెండ్ కొనసాగుతోంది. చాలా మంది మంచి ఫీచర్లతో పాటు తక్కువ ధరకే వచ్చే కార్ల వైపు మొగ్గుచూపుతున్నారు. ఈ క్రమంలో గత మాసం జూన్ లో రికార్డు స్థాయిలో కార్లు అమ్ముడయ్యాయి. వాటిల్లో అత్యధికంగా విక్రయాలు జరిపిన టాప్ 5 కార్ల వివరాలు మీకు అందిస్తున్నాం..
మారుతీ సుజుకీ వ్యాగన్ ఆర్.. మధ్య తరగతి ప్రజలు అత్యధికంగా ఈ కారును కొనుగోలు చేస్తున్నారు. ఓ చిన్న ఫ్యామిలీకి బెస్ట్ ఆప్షన్ గా నిలుస్తోంది. గత జూన్ లో ఈ కారు రికార్డు స్థాయిలో సేల్స్ చేసింది. ఏకంగా 17,500 కార్లను మారుతీ సుజుకీ విక్రయించింది.
మారుతీ సుజుకీ స్విఫ్ట్.. వ్యాగన్ ఆర్ తర్వాత మారుతీ సుజుకీ నుంచి అత్యధికంగా అమ్ముడైన మరో కారు మారుతీ సుజుకీ స్విఫ్ట్. సెడాన్ వేరియంట్లో దీనికి మార్కెట్లో మంచి డిమాండే ఉంది. ఈ జూన్లో 15,600 యూనిట్లు అమ్మడయ్యాయి. దేశీయ మార్కెట్లో ఇది కూడా ఓ పెద్ద నంబర్ అనే చెప్పాలి.
హ్యూందాయ్ క్రెటా.. ఇక ఎస్ యూవీ వేరియంట్లో హ్యాందాయ్ సత్తా చాటింది. దేశీయ మార్కెట్లో జూన్ నెలలో అత్యధికంగా అమ్ముడైన కారుగా హ్యుందాయ్ క్రెటా నిలిచింది. ఏకంగా 14,400 యూనిట్లను విక్రయించి టాప్ లేపింది.
మారుతీ సుజుకీ బాలెనో.. ఆ తర్వాత స్థానంలో మారుతీ సుజుకీచెందిన బాలెనో నిలిచింది. ఇది కూడా సెడాన్ వేరియంట్ కారే. ఈ ఏడాది జూన్ లో ఇది కూడా చెప్పుకోదగ్గ రీతిలోనే సేల్స్ రాబట్టింది. 14,100 బాలెనో యూనిట్లు ఒక్క నెలలో అమ్ముడయ్యాయి.
టాటా నెక్సాన్.. జూన్ మాసంలో అమ్ముడైన కార్లలో మారుతీసుజుకీ, హ్యుందాయ్ తర్వాత టాటా కంపెనీ కూడా చెప్పుకోదగ్గ స్థాయిలో అమ్మకాలు జరిపింది. టాటా నుంచి నెక్సాన్ అత్యధికంగా అమ్ముడైన కారుగా నిలిచింది. జూన్ మాసంలో 13,800 టాటా నెక్సాన్ కార్లు అమ్మడయ్యాయి.