Bikes Under 2 Lakh: రూ.2లక్షలలోపు ధరలో బెస్ట్ 200సీసీ బైక్స్.. జాబితా చూస్తే షాక్ అవుతారు..
మన దేశంలోని ద్విచక్ర వాహన మార్కెట్లో చాలా వైవిధ్యం ఉంటుంది. లో బడ్జెట్ నుంచి హై బడ్జెట్ వరకూ ప్రతి ఒక్కరికీ అనేక రకాల ఆప్షన్లు అందుబాటులో ఉంటాయి. రూ. 50వేలకి బండి దొరకుతుంది. అదే సమయంలో రూ. 2 లక్షలు ఆ పైన కూడా టూ వీలర్స్ వినియోగదారులకు అందుబాటులో ఉంటాయి. బండి సామర్థ్యాలను బట్టి రేటు మారుతుంటుంది. అయితే మీకు మిడ్ రేంజ్ బడ్జెట్లోనే అంటే రూ. 2లక్షలలోపు ధరలోనే 200సీసీ బైక్స్ మార్కెట్లో అందుబాటులో ఉన్నాయి. ప్రముఖ ఆటో దిగ్గజాలైన టీవీఎస్, బజాజ్, కేటీఎం, హీరో వంటి బ్రాండ్ల నుంచి రూ. 2లక్షల బడ్జెట్లో మంచి స్పోర్ట్స్ లుక్ లో కనిపించే బైక్స్ ఉన్నాయి. అలాంటి టాప్ బైక్స్ మీకు పరిచయం చేస్తున్నాం.
హీరో ఎక్స్‌ట్రీమ్ 200ఎస్ 4వీ.. ఈ జాబితాలో మొదటి బైక్ ఇది. దీని ప్రారంభ ధర రూ. 1.41 లక్షల (ఎక్స్-షోరూమ్). ఇది 18.8 హెచ్పీ,17.35 ఎన్ఎమ్ గరిష్ట టార్క్‌ను ఉత్పత్తి చేసే 199.6 సీసీ సింగిల్-సిలిండర్ ఇంజిన్‌తో పనిచేస్తుంది. ఇంజిన్ ఐదు-స్పీడ్ ట్రాన్స్‌మిషన్‌ తో వస్తుంది. ముందు వైపున టెలిస్కోపిక్ ఫోర్కులు, వెనుక వైపున మోనోషాక్ సెటప్ ఉంటుంది. స్టాపింగ్ పవర్ ముందు 276ఎంఎం డిస్క్, వెనుక 220ఎంఎం డిస్క్ నుంచి వస్తుంది. ఈ బైక్ సింగిల్-ఛానల్ ఏబీఎస్ తో వస్తుంది. ఈ బైక్‌కి లీటర్ పెట్రోల్ పై 40 కిలోమీటర్లు ఇస్తుందని కంపెనీ చెబుతోంది.
హీరో ఎక్స్ పల్స్ 200 4వీ.. ఈ అడ్వెంచర్ బైక్ జాబితాలో రెండవ స్థానంలో ఉంది. ఇది భారతదేశంలో రెండు వేరియంట్లలో అందుబాటులో ఉంది. వీటి ధరలు వరుసగా రూ. 1.47 లక్షలు, రూ. 1.54 లక్షల (ఎక్స్-షోరూమ్)గా ఉన్నాయి. దీనిలో 199.6సీసీ సింగిల్-సిలిండర్ ఇంజిన్‌తో 18.9హెచ్పీ, 17.35 ఎన్ఎం టార్క్‌ను విడుదల చేస్తుంది. ఈ ఇంజన్ ఐదు-స్పీడ్ గేర్‌బాక్స్‌తో జత చేసి ఉంటుంది. ముందు భాగంలో టెలిస్కోపిక్ ఫోర్క్‌లు, వెనుక వైపున 10-దశల ప్రీలోడ్ అడ్జస్టబుల్ దీర్ఘచతురస్రాకార స్వింగార్మ్ మోనోషాక్ సెటప్ ఉన్నాయి. ముందు 276ఎంఎం డిస్క్, వెనుక 220ఎంఎం డిస్క్ బ్రేక్ ఉంది. మైలేజ్ 32.9 కిలోమీటర్లు ఇస్తుందని కంపెనీ ప్రకటించింది.
టీవీఎస్ అపాచీ ఆర్టీఆర్ 200 4వీ.. ఈ స్పోర్టీ కమ్యూటర్ మోటార్‌సైకిల్ ధర రూ. 1.48 లక్షలు (ఎక్స్-షోరూమ్). ఇది 20హెచ్పీ మరియు 17.25 ఎన్ఎం గరిష్ట టార్క్‌ని విడుదల చేసే 197.8సీసీ సింగిల్-సిలిండర్ ఇంజిన్ తో వస్తుంది. ఈ బైక్‌లో ఐదు-స్పీడ్ గేర్‌బాక్స్ ఉంటుంది. ముందువైపు టెలిస్కోపిక్ ఫోర్క్‌లను కలిగి ఉండగా, వెనుకవైపు మోనోషాక్ సెటప్ ఉంది. అలాగే బ్రేకింగ్ పవర్ ముందు 270 ఎంఎం డిస్క్, వెనుక 240 ఎంఎం డిస్క్ ఉంటుంది. మైలేజ్ లీటర్ పెట్రోల్ పై 41.9 కిలోమీటర్లు ఇస్తుందని కంపెనీ ప్రకటించింది.
బజాజ్ పల్సర్ ఎన్ఎస్200.. దీని ధర రూ. 1.54 లక్షలు (ఎక్స్-షోరూమ్). ఇది 24 హెచ్పీ,18.74ఎన్ఎం టార్క్ ఉత్పత్తి చేసే 199.5సీసీ సింగిల్-సిలిండర్ ఇంజిన్‌తో వస్తుంది. ఇంజిన్ ఆరు-స్పీడ్ గేర్‌బాక్స్ తో జత చేసి ఉంటుంది. ముందు వైపు యూఎస్డీ ఫోర్కులు, వెనుకవైపు మోనోషాక్ సెటప్ ఉంటుంది. స్టాపింగ్ పవర్ కోసం ముందువైపు 300ఎంఎం డిస్క్, వెనుక 230ఎంఎం డిస్క్ వస్తుంది. మైలేజ్ లీటర్ పెట్రోల్ పై 40.36 కిలోమీటర్లు వస్తుంది.
కేటీఎం 200 డ్యూక్.. ఈ స్పోర్టీ బైక్ ధర రూ. 1.98 లక్షలు (ఎక్స్-షోరూమ్). ఇది 199.5సీసీ సింగిల్-సిలిండర్ ఇంజిన్‌ను కలిగి ఉంటుంది. ఇది 24 హెచ్పీ, 19.3 ఎన్ఎం గరిష్ట టార్క్‌ను విడుదల చేస్తుంది. ఈ ఇంజిన్ ఆరు-స్పీడ్ గేర్‌బాక్స్ తో వస్తుంది. ముందు భాగంలో యూఎస్డీ ఫోర్క్‌లు. వెనుకవైపు మోనోషాక్ సెటప్‌ను అందిస్తుంది. బ్రేకింగ్ విధులు ముందు 300ఎంఎం డిస్క్, వెనుక 230ఎంఎం డిస్క్ ఉంటుంది. మైలేజ్ 35 కిలోమీటర్లు వస్తుందని కంపెనీ పేర్కొంది.