Gold Price: తులం బంగారంపై రూ.20 వేలు, వెండిపై రూ.1.23 లక్షలు తగ్గింపు.. 10 గ్రాముల ధర ఎంతంటే..?
Gold, Silver Prices: దేశంలో బంగారం, వెండి ధరలు హెచ్చు తగ్గులకు లోనవుతున్నాయి. ఒక రోజు తగ్గితే మరో రోజు పెరుగుతున్నాయి. అయితే గతంలో ఉన్న ధరలతో పోలిస్తే ప్రస్తుతం భారీగా తగ్గాయనే చెప్పాలి. తులం బంగారంపై ఏకంగా 20 వేల వరకు తగ్గుదలను చూడవచ్చు..
Gold, Silver Prices: గత రెండు నెలలుగా బంగారం, వెండి ధరలలో తీవ్రమైన హెచ్చుతగ్గులు చోటుచేసుకుంటున్నాయి. బంగారం, వెండి ధరలలో కొనసాగుతున్న భారీ తగ్గుదల ఆగడం లేదు. సర్వకాలిక గరిష్ఠ స్థాయి (అత్యధిక స్థాయి)తో పోల్చి చూస్తే, బంగారం ధర దాని గరిష్ట ధర నుంచి సుమారు రూ.20,000 మేర తగ్గగా, వెండి ధర ఏకంగా రూ.1.23 లక్షల మేర పడిపోయిందనే చెప్పాలి. గతంలో ఉన్న ధరలను పోలిస్తే అసలు లెక్కలు తేలుస్తాయి. ప్రపంచ అస్థిరత మధ్య అంతర్జాతీయ మార్కెట్లో బంగారం ధర ఔన్సుకు 4,516 డాలర్లకు చేరువ కాగా, వెండి ధర ఔన్సుకు 76 డాలర్లకు చేరువయ్యింది.
'ఇండియా బులియన్ అండ్ జ్యువెలర్స్ అసోసియేషన్' (IBJA) వెబ్సైట్లో ప్రచురించిన తాజా ధరల జాబితా ప్రకారం.. 24 క్యారెట్ల నుండి 18 క్యారెట్ల బంగారం ధరలు ఈ రోజు ఈ కింది విధంగా ఉన్నాయి. మరోవైపు మల్టీ కమోడిటీ ఎక్స్ఛేంజ్ (MCX)లో 10 గ్రాముల బంగారం ధర రూ.926 తగ్గి రూ.1,56,000కి చేరింది.
తాజాగా బంగారం ధరలు (10 గ్రాములకు): 10 గ్రాముల 24 క్యారెట్ల బంగారం ధర 1,56,463 రూపాయలు, 10 గ్రాముల 22 క్యారెట్ల బంగారం ధర 1,43,320 రూపాయలు, 10 గ్రాముల 18 క్యారెట్ల బంగారం ధర 1,17,347 రూపాయల వద్ద కొనసాగుతున్నాయి.
బంగారం, వెండి ధరలు ఎంత చౌకగా మారాయి?: గత రికార్డును పరిశీలిస్తే, 2025 డిసెంబర్ 31న బంగారం ధర 1.33 లక్షలుగా ఉండగా, అది 2026 జనవరి 29న అత్యధిక స్థాయికి చేరుకుంది. ఆ సమయంలో 10 గ్రాముల బంగారం 1.76 లక్షల వద్ద ట్రేడ్ అవుతోంది. ఈ అత్యధిక ధరతో పోలిస్తే ఇప్పటివరకు బంగారం ధర 20,000 రూపాయలు చౌకగా మారింది.
మరోవైపు జనవరి 29న కిలో వెండి ధర 3.86 లక్షల చారిత్రాత్మక గరిష్ఠ స్థాయికి చేరుకోగా, అది ఇప్పుడు కిలోకు 2.63 లక్షలకు తగ్గింది. అంటే గత 118 రోజుల్లో వెండి ధరలో 1.23 లక్షల భారీ తగ్గుదల నమోదైంది. అయితే ప్రస్తుతం పెరుగుతూ తగ్గుతూ వస్తున్న బంగారం, వెండి ధరలు.. గతంలో ఉన్న ధరలతో పోలిస్తే భారీగా తగ్గుముఖం పట్టాయనే చెప్పాలి.