Bank Deposit: ఈ బ్యాంకులో మీరు రూ.1 లక్ష డిపాజిట్ చేస్తే రూ.41,478 రూపాయల వడ్డీ!
Bank Deposit: బ్యాంకులలో మంచి రాబడి పొందాలంటే రకరకాల డిపాజిట్ పథకాలు ఉన్నాయి. వాటిలో నెలవారిగా, లేదా ఒక్కసారిగా ఇన్వెస్ట్మెంట్ చేస్తే మెచ్యూరిటీ సమయంలో మంచి రాబడి పొందవచ్చు. ఇక్కడ మీరు లక్ష రూపాయలు డిపాజిట్ చేసినట్లయితే దానిపై వడ్డీ ఏకంగా 40 వేల రూపాయలకుపైగా వస్తుంది..
Bank Deposit: బ్యాంక్ ఆఫ్ బరోడా తన కస్టమర్లకు వివిధ కాలపరిమితి గల ఫిక్స్డ్ డిపాజిట్ (FD) పథకాలపై 3.50% నుండి 7.05% వరకు వడ్డీ రేట్లను అందిస్తుంది. ఈ ప్రభుత్వ రంగ బ్యాంకులో కనీసం 7 రోజుల నుండి గరిష్టంగా 10 సంవత్సరాల కాలపరిమితి వరకు FDలను తెరవవచ్చు. సురక్షితమైన పెట్టుబడి, హామీ ఇచ్చిన రాబడిని కోరుకునే పెట్టుబడిదారులకు ఇది సరైన ఎంపిక.
ప్రస్తుతం బ్యాంక్ 5 సంవత్సరాల FD ప్లాన్లపై ఆకర్షణీయమైన వడ్డీ రేట్లను అందిస్తోంది. సాధారణ పౌరులకు 6.30%, సీనియర్ సిటిజన్లకు (60 ఏళ్లు పైబడినవారు) 6.90%, సూపర్ సీనియర్ సిటిజన్లకు (80 ఏళ్లు పైబడినవారు) 7.00% వడ్డీ లభిస్తుంది.
అంతేకాకుండా బ్యాంకు 444 రోజుల ప్రత్యేక 'బాబ్ స్క్వేర్ డ్రైవ్ డిపాజిట్ పథకం' కూడా ప్రజాదరణ పొందింది. ఈ పథకంలో సాధారణ పౌరులకు 6.45%, సీనియర్ సిటిజన్లకు 6.95%, సూపర్ సీనియర్ సిటిజన్లకు 7.05% వరకు వడ్డీ అందిస్తోంది.
ఒక సాధారణ పౌరుడు 5 సంవత్సరాల ఫిక్స్డ్ డిపాజిట్ (FD)లో రూ.1,00,000 డిపాజిట్ చేస్తే అతను మెచ్యూరిటీ సమయంలో సుమారు రూ.1,36,690 పొందుతారు. అంటే అతనికి మొత్తం రూ.36,690 వడ్డీ లభిస్తుంది.
సీనియర్ సిటిజన్లకు అదే కాలపరిమితి, మొత్తం మెచ్యూరిటీ సమయంలో సుమారు రూ.1,40,784 ఇస్తుంది. ఇందులో రూ.40,784 వడ్డీ కూడా ఉంటుంది. సూపర్ సీనియర్ సిటిజన్లకు 7.00% వడ్డీ రేటుతో 5 సంవత్సరాల తర్వాత మొత్తం రూ.1,41,478 ఉంటుంది. అంటే రూ.41,478 స్థిర వడ్డీ అవుతుంది.
ఈ విధంగా రూ.1 లక్ష ఎఫ్డీ వయస్సు, వడ్డీ రేటును బట్టి రూ.36 వేల నుండి రూ.41 వేల వరకు వడ్డీని పొందవచ్చు. పెట్టుబడి పెట్టే ముందు బ్యాంకు అధికారిక వెబ్సైట్ లేదా సమీపంలోని బ్రాంచ్లో తాజా వడ్డీ రేట్లు, నిబంధనలను తనిఖీ చేయడం మంచిది. (గమనిక: ఇక్కడ అందించిన సమాచారం మీ సమాచారం కోసం మాత్రమే. ఏదైనా పెట్టుబడి పెట్టే ముందు నిపుణులను సంప్రదించండి.)