Central Governemnt: కేంద్రం అద్భుత పథకం.. వారికి ప్రతీ నెలా రూ.3 వేల పెన్షన్.. దరఖాస్తు చేసుకోండిలా..
కేంద్ర ప్రభుత్వం అదిరిపోయే పథకం ఒకటి అమలు చేస్తోంది. జస్ట్ నెలకు రూ.55 చెల్లిస్తే చాలు.. నెలకు రూ.3 వేల పెన్షన్ పొందవచ్చు. ఈ పథకంలో సులువుగా చేరవచ్చు. జస్ట్ బ్యాంక్ అకౌంట్, ఆధార్, ఈశ్రమ్ కార్డు ఉంటే సరిపోతుంది. ఎలా చేరాలనేది చూద్దాం
Pmsym
- వీధి వ్యాపారులు, గృహ కార్మికులు, కూలీలు వంటి అసంఘటిత రంగంలో పనిచేస్తున్నవారికి పెన్షన్ అందించేందుకు కేంద్రం ఒక స్కీమ్ అమలు చేస్తోంది. అదే ప్రధానమంత్రి శ్రమ్ యోగి మాంధన్ యోజన. ఈ స్కీమ్ ద్వారా అర్హులు నెలకు రూ.3 వేల పెన్షన్ పొందవచ్చు. 60 ఏళ్ల తర్వాత ఇవి అందుతాయి. కార్మికులకు వృద్దాప్యంలో ఆర్ధిక భద్రత కల్పించేందుకు కేంద్రం ఈ పథకం అమలు చేస్తోంది. అర్హులు ఎవరు..? ఎలా చేరాలి? అనే విషయాలు చూద్దాం.
- అసంఘటిత రంగంలో పనిచేసే కార్మికులు ఈ పథకం ప్రయోజనాలు పొందాలంటే ఈ-శ్రమ్ కార్డు పొంది ఉండాలి. ఆ కార్డు కలిగి ఉంటేనే ఈ స్కీములో చేరేందుకు అర్హత ఉంటుంది. ఈ-శ్రమ్ పోర్టల్‌లో నమోదు కావడం వల్ల కార్డు లభిస్తుంది. దీని ద్వారా పీఎం శ్రమ్ యోగి మాంధన్ యోజన పథకంలో చేరవచ్చు. ఇందులో చేరినవారికి 60 ఏళ్ల వయస్సు తర్వాత ప్రతీ నెలా రూ.3 వేల పెన్షన్ అందుతుంది.
- దరఖాస్తుదారుడి వయస్సు 18 నుంచి 40 సంవత్సరాల మధ్య ఉండాలి. రిక్షా, వీధి వ్యాపారి, నిర్మాణ కార్మికుడు, అసంఘటిత రంగంలో పనిచేస్తూ ఉండాలి. నెలవారీ ఆదాయం రూ.15 వేల కంటే తక్కువగా ఉండాలి. ఈపీఎఫ్ఓ, ఈఎస్ఐ, ఎన్‌పీస్‌లో సభ్యుడిగా ఉండకూడదు. భారత పౌరులై ఉండాలి. ఇన్‌కమ్ ట్యాక్స్ చెల్లిస్తూ ఉండకూడదు
- 60 ఏళ్ల వరకు కొంతమొత్తం ప్రీమియం చెల్లిస్తూ ఉండాలి. మీరు ఎంత అయితే చెల్లిస్తారో.. కేంద్రం కూడా అంతే మొత్తంలో ప్రీమియం జమ చేస్తుంది. ప్రీమియం అనేది ఏ వయస్సులో చేరుతున్నారనే అంశాన్ని బట్టి ఉంటుంది. 18 ఏళ్ల వయస్సులో చేరితే నెలకు రూ.55గా ఉంటుంది. అంటే రోజుకు రూ.2 కంటే తక్కువే. 20 ఏళ్ల వయస్సులో చేరితే రూ.61గా, 30 ఏళ్లప్పుడు చేరితే రూ.150గా ఉంటుంది.
- 40 ఏళ్ల వయస్సు దాటితే ఈ పథకంలో చేరడం కుదరదు. ఆధార్, బ్యాంక్ పాస్ బుక్, వయస్సుకు సంబంధించిన సమాచారం అందించాలి. పీఎం శ్రమ యోగి మాన్ ధన్ యోజన పథకం ద్వారా ఇందులో చేరవచ్చు. ప్రీమియం మీ అకౌంట్ నుంచి ఆటోమేటిక్‌గా డెబిట్ అవుతుంది.
Loading...
Unable to load recommendations.
Follow Us