Alcohol-Cancer: మందుబాబులూ బీ అలర్ట్.. మద్యం సేవిస్తే క్యాన్సర్ గ్యారెంటీ! ఎన్ని రకాల క్యాన్సర్లు వస్తాయో తెలుసా..
మద్యం సేవించడం వల్ల ఎలాంటి ప్రయోజనాలు ఉండవు. బదులుగా లేనిపోని రోగాలు ఒంట్లో తిష్టవేస్తాయి. వారానికోసారి మద్యం తాగినా.. ప్రతి రోజూ తాగితే శరీరానికి ఎంత నష్టం జరుగుతుందో అంతే నష్టం జరుగుతుంది. ఆల్కహాల్ జీవిత కాలాన్ని తగ్గిస్తుంది. క్యాన్సర్ ప్రమాదాన్ని పెంచుతుంది..
మద్యం సేవించడం వల్ల ఎలాంటి ప్రయోజనాలు ఉండవు. బదులుగా లేనిపోని రోగాలు ఒంట్లో తిష్టవేస్తాయి. వారానికోసారి మద్యం తాగినా.. ప్రతి రోజూ తాగితే శరీరానికి ఎంత నష్టం జరుగుతుందో అంతే నష్టం జరుగుతుంది. ఆల్కహాల్ జీవిత కాలాన్ని తగ్గిస్తుంది. క్యాన్సర్ ప్రమాదాన్ని పెంచుతుంది.
క్యాన్సర్ వెనుక ఉన్న ఖచ్చితమైన కారణం తెలియకపోయినా.. మద్యం సేవించడం వల్ల క్యాన్సర్ కణాలు ఏర్పడటం ఖాయం అంటున్నారు ఆరోగ్య నిపుణులు.. ఆల్కహాల్ నోటి, గొంతు క్యాన్సర్ ప్రమాదాన్ని పెంచుతుంది. సిగరెట్‌ల మాదిరి.. ఆల్కహాల్ కూడా శరీరంపై క్యాన్సర్ ప్రభావాలను తీవ్రతరం చేస్తుంది.
ఆల్కహాల్ తీసుకోవడం అన్నవాహిక క్యాన్సర్ ప్రమాదాన్ని పెంచుతుంది. ఎక్కువ కాలం తాగేవారిలో అన్నవాహిక క్యాన్సర్ వచ్చే అవకాశం అధికంగా ఉంటుంది. ఆల్కహాల్ తీసుకోవడం వల్ల కాలేయం పాడైపోతుందనే సంగతి దాదాపు అందరికీ తెలుసు. ఆల్కహాల్ కాలేయంలో.. ఫ్యాటీ లివర్, సిర్రోసిస్ వంటి వ్యాధులకు దారితీస్తుంది. దానితో పాటు ఆల్కహాల్ తీసుకోవడం వల్ల లివర్ క్యాన్సర్ కణాలు కూడా ఏర్పడతాయి.
కొలొరెక్టల్ లేదా మల క్యాన్సర్‌కు ఆల్కహాల్ కూడా ఒక కారణమే. ఆల్కహాల్ సేవించే వారికి పురీషనాళ క్యాన్సర్ వచ్చే ప్రమాదం ఎక్కువగా ఉందని అధ్యయనాలు చెబుతున్నాయి.
మద్యం సేవించడం వల్ల కడుపు క్యాన్సర్ వచ్చే ప్రమాదం కూడా పెరుగుతుంది. కడుపు క్యాన్సర్‌కు ఆల్కహాల్ ప్రధాన కారణం. క్యాన్సర్ ప్రమాదాన్ని నివారించడానికి, మద్యం పూర్తిగా మానేయడం ఒక్కటే మార్గం.