vakeel saab : పవర్ స్టార్ ఫ్యాన్స్ ఫుల్ ఖుష్ .. ‘వకీల్ సాబ్’ షూటింగ్ పూర్తిచేసిన పవన్ కళ్యాణ్

పవర్ స్టార్ పవన్ కళ్యణ్ రీ ఎంట్రీ ఇస్తున్న సినిమా ‘వకీల్’ సాబ్ ఈ సినిమాకోసం పవన్ అభిమానులు వేయికళ్లతో ఎదురుచూస్తున్నారు. రాజకీయాల్లోకి వెళ్ళిన తర్వాత పవన్ తిరిగి సినిమాలు చేస్తుండటంతో పవన్ అభిమానులంతా ఖుష్ అవుతున్నారు. ఇక వేణుశ్రీరామ్ దర్శకత్వలో తెరకెక్కుతున్న ఈ సినిమా బాలీవుడ్ సూపర్ హిట్ ‘పింక్’ సినిమాకు రీమేక్ గా వస్తుంది. ఈ సినిమాలో శ్రుతిహాసన్ హీరోయిన్ గా నటిస్తుంది. ఈ సినిమా షూటింగ్ పూర్తి చేసుకుంది. ఈ సందర్భంగా పవన్ కళ్యాణ్ దర్శకుడిని హత్తుకున్న ఫోటో సోషల్ మీడియాలో చక్కర్లు కొడుతుంది. ఈ సినిమాలో అంజలి, నివేదా థామస్, అనన్య కీలక పాత్రల్లో నటిస్తున్నారు. థమన్ సంగీతం అందిస్తున్నారు. దిల్ రాజు, బోనీ కపూర్ సంయుక్తంగా  ఈ సినిమాను నిర్మిస్తున్నారు. కాగా ఈ సినిమా ఎప్పుడో పూర్తికావాల్సి ఉంది కానీ కరోనా కారణంగా ఆలస్యం అవుతూ వస్తుంది. ఈ సినిమానుంచి విడుదలైన పోస్టర్లు సినిమాపై అంచనాలను ఆకాశానికి చేర్చాయి. షూటింగ్ పూర్తి కావడంతో పోస్ట్ ప్రొడక్షన్ పనులు కూడా వీలైనంత త్వరగా పూర్తి చేయాలని చూస్తున్నారు. ఇక న్యూ ఇయర్ సందర్భంగా ఈ సినిమా టీజర్ విడుదల చేసే అవకాశాలు ఉన్నాయని ప్రచారం జరుగుతుంది. మరోవైపు పవన్ రానాతో కలిసి ‘అయ్యప్పునుమ్ కోషియుమ్’ రీమేక్ చేయనున్నాడు. ఈ సినిమాతో పాటు క్రిష్, హరీష్ శంకర్, సురేందర్ రెడ్డి సినిమాలకు కమిట్ అయ్యి ఉన్నాడు పవర్ స్టార్.