వ్యాక్సిన్ బృందంపై కర్రలు, రాడ్లతో గ్రామస్థుల దాడి, కొందరికి గాయాలు, పరుగులు తీసిన మెడికల్ టీమ్ , ఎక్కడంటే ?

Vaccine Team Hit With Rod

వ్యాక్సినేషన్ పై ప్రజల్లోని అపోహలను, అనుమానాలను పటాపంచలు చేసేందుకు ఓ గ్రామానికి వెళ్లిన వ్యాక్సిన్ బృందంపై గ్రామస్థులు కర్రలు, రాడ్లతో దాడి చేశారు. మధ్యప్రదేశ్ లోని ఉజ్జయిని జిల్లా మెయిల్ ఖేడీ అనే గ్రామంలో ఈ అనూహ్య ఘటన జరిగింది. గ్రామస్థులకు టీకాలు వేయించేందుకు, మొదట వారి భయాలను పోగొట్టేందుకు నిన్న ఈ బృందం ఈ గ్రామానికి చేరుకుంది. స్థానికులకు నచ్చజెప్పే ప్రయత్నం చేస్తుండగా సుమారు 50 మంది రాడ్లు, కర్రలతో అక్కడికి దూసుకువచ్చి వారిపై ఎటాక్ చేశారు. దీంతో మెడికల్ టీమ్ సభ్యులంతా తలో దిక్కుకు పారిపోయారు. ఈ ఘటనలో కొందరు గాయపడ్డారు. మహిళా పంచాయతీ అధికారి భర్త తీవ్రంగా గాయపడినట్టు ఆ తరువాత పోలీసులు తెలిపారు. టీకామందు తీసుకుంటే తమకు హాని కలుగుతుందని, అనారోగ్యం పాలవుతామనే మూఢ నమ్మకం గ్రామస్తుల్లో ఉందని వారు చెప్పారు. ఈ దాడికి సంబంధించిన వీడియో సోషల్ మీడియాలో వైరల్ అయింది. ఎటాక్ కి పాల్పడినవారిలో నలుగురిని అరెస్టు చేశామని, మిగిలినవారికోసం గాలిస్తున్నామని పోలీసులు చెప్పారు. గతంలో కూడా ఈ గ్రామానికి వచ్చిన మెడికల్ బృందంపై గ్రామస్థులు ఇలాగే దాడికి యత్నించారు. వారిని దుర్భాషలాడి తమ గ్రామంనుంచి పారిపోయేలా చేశారు.

తాజా ఘటనతో ఇక్కడ పోలీస్ పికెట్ ఏర్పాటు చేశారు. గాయపడినవారిని పోలీసులు ఆసుపత్రులకు తరలించారు. వ్యాక్సిన్ కోసం ఓ వైపు దేశ ప్రజలంతా ఎదురు చూస్తుంటే మరో వైపు ఇక్కడివారు టీకామందు వద్దు వద్దు అంటూ ఈ బృందాన్ని అడ్డుకోవడం ఆశ్చర్యకరమని అంటున్నారు.

మరిన్ని ఇక్కడ చూడండి: Hyderabad Water Supply Alert: నగరవాసులకు అలర్ట్.. హైదరాబాద్‏లో నీటి సరఫరాలో అంతరాయం.. ఏ ఏ ప్రాంతాల్లో అంటే..

Lunar Eclipse 2021: రేపు సంపూర్ణ చంద్రగ్రహణం.. ఏ సమయంలో ఎక్కడెక్కడ కనిపిస్తుంది..? 2021లో సంభవించే గ్రహాలు ఇవే