CM Yogi: తలపై ముస్లిం టోపి ధరించిన యూపీ సీఎం యోగి ఆదిత్యానాథ్.. వైరల్ వీడియోలో నిజమెంతా..?

Cm Yogi Deepfake Video

ముఖ్యమంత్రి యోగి ఆదిత్యనాథ్ డీప్ ఫేక్ ఫోటో వైరల్ అవుతోంది. ఈ కేసులో, హజ్రత్‌గంజ్ పోలీసులు పియారా ఇస్లాం ఎక్స్ హ్యాండిల్‌పై ఎఫ్‌ఐఆర్ నమోదు చేశారు. హిందుత్వ నైట్ ఎక్స్ ఖాతా హ్యాండిల్ ద్వారా ఈ వీడియో అప్‌లోడ్ అయ్యినట్లుగా సైబర్ క్రైమ్ పోలీసులు గుర్తించారు. సైబర్ సెల్ సహాయంతో నిందితుడి గురించి పోలీసులకు సమాచారం అందింది.

వైరల్ అవుతున్న డీప్ ఫేక్ వీడియోలో, ఉత్తర ప్రదేశ్ ముఖ్యమంత్రి యోగి ఆదిత్యనాథ్ ముస్లిం టోపీ ధరించి ఉన్నట్లు చూపించారు. ఇంతలో, నేపథ్యంలో ఒక పాట ప్లే అవుతోంది. ఈ వీడియో AI సహాయంతో తయారు రూపొందించారు. ఈ వీడియో సోషల్ మీడియాలో వేగంగా వైరల్ అవుతోంది. హజ్రత్‌గంజ్‌లోని నర్హి ప్రాంతంలో నివసించే బీజేపీ నాయకుడు రాజ్‌కుమార్ తివారీ ఈ డీప్‌ఫేక్ వీడియోకు సంబంధించి పోలీసులకు ఫిర్యాదు చేశారు. దీంతో ‘ప్యారా ఇస్లాం’ అనే సోషల్ మీడియా ఖాతాపై కేసు నమోదైంది. భారత శిక్షాస్మృతిలోని సెక్షన్లు 352, 353, 196(1), 299 మరియు ఐటీ చట్టంలోని సెక్షన్ 66 కింద పోలీసులు ఎఫ్ఐఆర్ నమోదు చేశారు. ఈ విషయంపై దర్యాప్తు ప్రారంభించిన పోలీసులు, సైబర్ క్రైమ్ సెల్ సహాయంతో, డీప్ ఫేక్ వీడియోను పోస్ట్ చేసిన వ్యక్తి కోసం గాలిస్తున్నారు.

డీప్‌ఫేక్ ఉపయోగించి నకిలీ వీడియోలను సృష్టించి వాటిని వైరల్ చేసే కేసులు నిరంతరం వెలుగులోకి రావడం గమనార్హం. సెలబ్రిటీలు దీనికి బలైపోతున్నారు. ఈ క్రమంలోనే సైబర్ కేటుగాళ్లు యూపీ సీఎం యోగి ఆదిత్యనాథ్ డీప్ ఫేక్ వీడియోలను తయారు చేశారు. ఈ వీడియో కాస్తా నెట్టింట వైరల్ అయ్యింది. అలాంటి ఒక కేసులో, మే 2024లో నోయిడా నుండి ఒక వ్యక్తిని అరెస్టు చేశారు. సీఎం యోగి డీప్ ఫేక్ వీడియో చేసిన కేసులో పోలీసులు నిందితులను అరెస్టు చేశారు. ఇదిలావుంటే, సీఎం యోగి మాత్రమే కాదు, ప్రధాని మోదీ, మహాత్మా గాంధీల డీప్ ఫేక్ వీడియోలు కూడా తయారు చేశారు సైబర్ కేటుగాళ్లు. ఈ విషయానికి సంబంధించి బల్లియాలో గుర్తు తెలియని వ్యక్తులపై కేసు కూడా నమోదైంది.

మరిన్ని జాతీయ వార్తల కోసం ఇక్కడ క్లిక్ చేయండి..