భారత అమ్ములపొదిలో మరో అస్త్రం.. నాగ్ మిస్సెల్‌..

డ్రాగన్‌ కంట్రీతో టెన్షన్ నెలకొన్న వేళ.. భారత ఆయుధ సంపత్తి మరింత పెరుగుతోంది. రోజురోజుకు భారత అమ్ముల పొదిలోకి అస్త్రలు పెద్ద ఎత్తున చేరుతున్నాయి. ఇప్పటికే ఈ నెల చివరి నాటికి ఐదు రాఫెల్ యుద్ధ విమానాలు ఇండియన్ ఏయిర్ ఫోర్స్‌లో చేరనున్నట్లు అధికారులు వెల్లడించిన సంగతి తెలిసిందే. ఇదిలావుంటే.. భార‌త్ నాగ్ మిస్సైల్‌ను ప‌రీక్షించింది. హెలికాప్ట‌ర్ నుంచి లాంచ్ చేసే నాగ్ క్షిపణిని ఈ నెల 15,16వ తేదీల్లో ప్రయోగించారు. ఈ విషయాన్ని డిఫెన్స్ అధికారులు తెలిపారు. ఈ క్షిప‌ణిని ద్రువాస్త్ర యాంటీ ట్యాంక్ గైడెడ్ మిస్సైల్‌గా పిలుస్తున్నారు. ఒడిశాలోని ఐటీఆర్ బాల‌సోర్ వ‌ద్ద ఈ మిస్సెల్ టెస్ట్ జ‌రిగింది. నాగ్ మిస్సైల్ పరీక్షలకు సంబంధించిన వీడియోను రిలీజ్ చేశారు. అయితే ఈ టెస్టును హెలికాప్ట‌ర్ నుంచి కాకుండా.. నార్మల్‌గానే పరీక్షించినట్లు అధికారులు పేర్కొన్నారు.

ఈ నాగ్ మిస్సైల్‌ 500 మీటర్ల నుంచి గ‌రిష్టంగా 20 కిలోమీట‌ర్ల దూరం ప్ర‌యాణించ‌గ‌ల‌దు. దీని వేగం గంట‌కు 828 కిలోమీట‌ర్లు. ఈ నాగ్‌ క్షిపణుల్లో వేరియంట్లను బట్టి వాటి రేంజ్ ఉంటుంది. బా‌ల‌సోర్‌ నుంచి పరీక్షించింది హెలినా వేరియంట్‌. ఈ హెలినా వేరియంట్లలో ఒక‌టి రుద్రాస్తా.. మ‌రొక‌టి ద్రువాస్తా అన్నవి ఉన్నాయి. ఈ హెలినా మిస్సెల్స్‌ 7 కిలోమీట‌ర్ల నుంచి 20 కిలోమీట‌ర్ల రేంజ్‌లో ఉన్న లక్ష్యాలను సులువుగా ధ్వంసం చేయగలవు. అంతేకాదు.. లక్ష్యాన్ని లాక్‌ చేసిన తర్వాతే.. మిస్సెల్ రిలీజ్ అవుతుంది.