సరిహద్దులో ఉద్రిక్తత.. భారత్‌లోకి చొరబడేందుకు బంగ్లాదేశీయుల యత్నం.. అడ్డుకున్న బీఎస్ఎఫ్
తిరుగుబాటు తర్వాత బంగ్లాదేశ్‌లో పరిస్థితి మామూలుగా లేదు. బంగ్లాదేశ్‌లో మైనారిటీలపై నిరంతరం దాడులు జరుగుతున్నాయి. దీంతో చాలా మంది భారత సరిహద్దుల్లోకి ప్రవేశించేందుకు ప్రయత్నిస్తున్నారు. దీంతో బీఎస్ఎఫ్ అప్రమత్తమైంది.
తిరుగుబాటు తర్వాత బంగ్లాదేశ్‌లో పరిస్థితి మామూలుగా లేదు. బంగ్లాదేశ్‌లో మైనారిటీలపై నిరంతరం దాడులు జరుగుతున్నాయి. దీంతో చాలా మంది భారత సరిహద్దుల్లోకి ప్రవేశించేందుకు ప్రయత్నిస్తున్నారు. దీంతో బీఎస్ఎఫ్ అప్రమత్తమైంది.
పశ్చిమ బెంగాల్‌లోని కూచ్ బెహార్ జిల్లాలో బంగ్లాదేశ్ సరిహద్దు నుండి వేలాది మంది భారతదేశంలోకి ప్రవేశించడానికి ప్రయత్నించారు. వారి ప్రయత్నాన్ని సరిహద్దు భద్రతా దళం గౌహతి ఫ్రాంటియర్ అడ్డుకుంది. దాదాపు 1000 మంది బంగ్లాదేశీయులు, భారత్‌లో ఆశ్రయం కోరుతూ సరిహద్దుకు చేరుకున్నారని BSF తన పత్రికా ప్రకటనలో తెలిపింది. దీంతో వెనక్కి పంపాలని BSF వెంటనే బోర్డర్ గార్డ్స్ బంగ్లాదేశ్ (BGB)కి సమాచారం అందించింది. వారంతా బంగ్లాదేశ్‌లోని లాల్మోనిర్హత్ జిల్లాలో సరిహద్దుకు 400 మీటర్ల దూరంలో గుమిగూడారు.
ఇందుకు సంబంధించి సమాచారం ఇస్తూ, ఒక సీనియర్ బిఎస్ఎఫ్ అధికారి, చాలా మంది ప్రజలు సరిహద్దు వద్ద గుమిగూడారు. అయితే సరిహద్దు మూసివేయడం జరిగింది. ఎవరూ ప్రవేశించలేకపోయారు. తరువాత, బోర్డర్ గార్డ్స్ బంగ్లాదేశ్ (BGB) ఈ వ్యక్తులను వారి దేశానికి తిరిగి తీసుకువెళ్లారు.
భారత్-బంగ్లాదేశ్ సరిహద్దులో ప్రస్తుత పరిస్థితిని పర్యవేక్షించేందుకు కేంద్ర ప్రభుత్వం అదనపు డైరెక్టర్ జనరల్ ఆఫ్ బోర్డర్ సెక్యూరిటీ ఫోర్స్ (బీఎస్ఎఫ్) తూర్పు కమాండ్ అధ్యక్షతన ఐదుగురు సభ్యుల కమిటీని ఏర్పాటు చేసింది. ఈ కమిటీ గురించి హోంమంత్రి అమిత్ షా ప్రకటన చేశారు. ‘ఈ కమిటీలో చేర్చిన అధికారులు బంగ్లాదేశ్‌లోని వారి సహచరులతో అనుసంధానించిఉంటారు, తద్వారా అక్కడ నివసిస్తున్న భారతీయ పౌరులు, హిందువులు, ఇతర మైనారిటీ వర్గాల భద్రతకు భరోసా ఉంటుంది. ఈ కమిటీకి ఈస్టర్న్ కమాండ్ సరిహద్దు భద్రతా దళం ఏడీజీ నేతృత్వం వహిస్తారని అమిత్ షా స్పష్టం చేశారు.
మరిన్ని జాతీయ వార్తల కోసం ఇక్కడ క్లిక్ చేయండి..