Republic Day 2021: దేశవ్యాప్తంగా గణతంత్ర దినోత్సవ వేడుకలు.. రాజ్‌పథ్‌లో రెపరెపలాడుతున్న త్రివర్ణ పతాకం..

రాజ్‌పథ్‌లో టి-90 ట్యాంకుల విన్యాసాలు

రాజ్‌పధ్‌లోని పరేడ్‌లో పరమ వీర చక్ర, అశోక్ చక్ర విన్నర్స్ పాల్గొన్నారు.

రాష్ట్రపతి రామ్ నాథ్ కోవింద్, ప్రధాని నరేంద్ర మోడీ, ఇతర ప్రముఖుల సమక్షంలో రాజ్‌పథ్‌లో త్రివర్ణ పతకాన్ని ఆవిష్కరించారు.

పరేడ్ కమాండర్‌గా లెఫ్టినెంట్ జనరల్ విజయ్ కుమార్ మిశ్రా ఈ ఏడాది రిపబ్లిక్ డే పరేడ్‌కు నాయకత్వం వహించారు.

నలబై ఆరు మంది సెక్యూరిటీ గార్డుల మధ్య రాష్ట్రపతి రామ్‌నాథ్ కోవింద్ ఢిల్లీలోని రాజ్‌పాత్‌కు చేరుకున్నారు.

లోక్‌సభ స్పీకర్ ఓం బిర్లా గణతంత్ర దినోత్సవం సందర్భంగా తన నివాసంలో త్రివర్ణ పతకాన్ని ఎగురవేశారు.

గణతంత్ర దినోత్సవం సందర్భంగా బీహార్ ముఖ్యమంత్రి నితీష్ కుమార్ తన నివాసంలో జాతీయ జెండాను ఎగురవేశారు.

రిపబ్లిక్ డే వేడుకలను దృష్టిలో ఉంచుకుని భద్రతా చర్యగా కాశ్మీర్ లోయలో మొబైల్ ఇంటర్నెట్ సేవలను తాత్కాలికంగా నిలిపివేశారు.

ఢిల్లీలోని రాజ్‌పాత్‌లో గణతంత్ర దినోత్సవ వేడుకలు ఘనంగా జరుగుతున్నాయి. కోవిడ్ నిబంధనలు మధ్య ప్రేక్షకులు సామాజిక దూరం పాటించేలా చర్యలు చేపట్టారు.

బీజేపీ జాతీయ కార్యాలయంలో జెండా ఎగురవేసిన పార్టీ ప్రెసిడెంట్ జేపీ నడ్డా

కేంద్ర హోంమంత్రి అమిత్ షా, కాంగ్రెస్ నేత రాహుల్ గాంధీ దేశ ప్రజలకు గణతంత్ర దినోత్సవ శుభాకాంక్షలు తెలిపారు. ఈ మేరకు ట్వీట్ చేశారు.

భారత గణతంత్ర దినోత్సవం సందర్భంగా బ్రిటన్ ప్రధానమంత్రి బోరిస్ జాన్సన్ శుభాకాంక్షలు తెలిపారు. భారతప్రజలందరికీ అభినందనలు తెలిపిన ఆయన.. కరోనా వైరస్ మహమ్మారిని మానవాళి నుంచి దూరం చేసేందుకు యూకే – భారతదేశం సమన్వయం పనిచేయాలని బోరిస్ జాన్సన్ పిలుపునిచ్చారు. కరోనా వ్యాక్సిన్ సహకారంలో భారతదేశం యూకే కలిసి పనిచేస్తున్నాయని బోరిస్ ప్రత్యేకంగా ప్రస్తావించారు.

ఆర్-డే పరేడ్‌లో పాల్గొన్న తొలి మహిళా ఫైటర్ పైలట్ లెఫ్ట్నంత్ భావన కాంత్

కరోనా కారణంగా ఈ ఏడాది చీఫ్ గెస్ట్ లేకుండానే గణతంత్ర దినోత్సవ వేడుకలు జరుగుతున్నాయి. గడిచిన 50 ఏళ్లలో ఇదే తొలిసారి.

రాజస్థాన్ సీఎం అశోక్ గెహ్లాట్ జైపూర్‌లోని సీఎం నివాసంలో త్రివర్ణ పతకాన్ని ఎగరవేశారు.

ఢిల్లీలోని రాజ్‌పాత్‌లో రిపబ్లిక్ డే పరేడ్‌కు ఏర్పాట్లు పూర్తి చేశారు. కోవిడ్ నిబంధనలను పాటిస్తూ అన్ని ఏర్పాట్లు కంప్లీట్ చేశారు.

72వ గణతంత్ర దినోత్సవంతో భారతావని పులకించిపోతోంది. ఈ సందర్భంగా ప్రధానమంత్రి నరేంద్ర మోదీ దేశ ప్రజలకు మంగళవారం ఉదయం ‘జైహింద్’ అంటూ శుభాకాంక్షలు తెలుపుతూ ట్వీట్ చేశారు. రిపబ్లిక్ డే సందర్భంగా దేశ ప్రజలను పలకరిస్తూ అభినందనలు తెలిపారు.

యావత్ భారతావని 72వ గణతంత్ర దినోత్సవ వేడుకలను జరుపుకుంటోంది. ఈ సందర్భంగా దేశ రాజధాని ఢిల్లీలో కేంద్రం భద్రతను ఏర్పాటు చేసింది. ఎలాంటి అవాంచనీయ ఘటనలు చోటు చేసుకోకుండా ఉండేలా చర్యలు చేపట్టింది.