కాలుజారి నదిలో పడిపోయిన కాంగ్రెస్ ఎమ్మెల్యే

ఉత్తరాఖండ్‌లో గత కొద్ది రోజులుగా కురుస్తున్న భారీ వర్షాలకు అక్కడి కాలువలు, నదులు పొంగి పొర్లుతున్నాయి. వరదల ప్రభావంతో ఎన్నో రహదారులు కొట్టుకుపోయాయి. ఇక కొండచరియలు రహదారులపై విరిగిపడుతుండటంతో.. అనేక మార్గాలు మూసుకుపోయాయి. ఈ క్రమంలో వరద పరిస్థితులను తెలుసుకోవడానికి పితోర్‌గర్‌ జిల్లాలోని ధర్చులా ఎమ్మెల్యే హరీష్‌ ధామి అటుగా వెళ్లారు. ఈ క్రమంలో ఆయన ఓ నదిని దాటుతుండగా.. కాలు జారి ఆ నది ప్రవాహంలో పడిపోయారు. అయితే వెంటనే అతడితో పాటు ఉన్న కార్యకర్తలు అతడిని పట్టుకుని కాపాడారు. లుమ్తి, మెరికా గ్రామాల్లో పర్యటించి తిరుగు ప్రయాణం చేస్తుండగా ఈ ప్రమాదం చోటుచేసుకుంది. వరద ప్రభావం పెరగడంతోనే ఈ ప్రమాదం జరిగింది. కాలికి స్వల్పగాయాలైనట్లు ఎమ్మెల్యే సహాయకులు తెలిపారు.

Read More 

తైవాన్‌ మాజీ అధ్యక్షుడు ఇక లేరు