MP Election: కమల్‌ నాథ్ గెలుపుపై రూ. 10 లక్షల పందెం? నెట్టింట అగ్రిమెంట్ వైరల్‌!

Congress Leader Kamal Nath

మధ్యప్రదేశ్ అసెంబ్లీ ఎన్నికల తర్వాత, డిసెంబర్ 3న జరగనున్న ఓట్ల లెక్కింపు కోసం అందరూ ఆసక్తిగా ఎదురుచూస్తున్నారు. ఇలాంటి ప‌రిస్థితుల్లో రాష్ట్రం అంతా మాజీ ముఖ్యమంత్రి క‌మ‌ల నాథ్ వైపు చూస్తోంది. రెండోసారి అసెంబ్లీ ఎన్నిక‌ల్లో కమల్ నాథ్ పోటీ చేస్తున్న చింద్వారా అసెంబ్లీ స్థానంపైనే ఉంది. ఈసారి ఆయన బీజేపీ అభ్యర్థి వివేక్ బంటీ సాహుతో తలపడుతున్నారు. ఇద్దరు నేతల మధ్య గెలుపు ఓటములపై ​​రకరకాల ఊహాగానాలు కొనసాగుతున్నాయి. ఇదిలా ఉంటే అందరినీ షాక్‌కు గురిచేసే ఓ ఉదంతం వెలుగులోకి వచ్చింది.

చింద్వారాలోని ఇద్దరు వ్యాపారవేత్తలు ఇరు పార్టీల నేతల గెలుపు ఓటములపై ​​రూ.10 లక్షల పందెం వేశారు. దీనికి సంబంధించి ఓ లేఖ సోషల్ మీడియాలో వైరల్ అవుతోంది. ఈ లేఖలో ప్రకాష్ సాహు, రామ్ మోహన్ సాహు పేర్లు రాసిన లేఖ, దానిపై రసీదు కూడా అతికించడం జరిగింది. దానిపై కమల్ నాథ్, బంటీ సాహుల గెలుపు లేదా ఓటమికి సంబంధించి విధించిన షరతు ప్రస్తావించడం జరిగింది.

రూ.10 లక్షల పందెం

నవంబర్ 17న ఓటింగ్ ముగిసిన తర్వాత, కాంగ్రెస్‌కు చెందిన కాంట్రాక్టర్ ప్రకాష్ సాహు లెటర్ ప్యాడ్‌లో గెలుపు, ఓటమి షరతు ఎక్కువగా వైరల్ అవుతుంది. కమల్ నాథ్ ఎన్నికల్లో ఓడిపోతే షరతు ప్రకారం రామ్ మోహన్ సాహుకు రూ.10 లక్షలు ఇస్తానని అందులో రాశారు. వివేక్ బంటీ సాహు ఓడిపోతే, రామ్ మోహన్ సాహు డిసెంబర్ 3వ తేదీన ప్రకాష్ సాహుకు లక్ష రూపాయలను అందజేస్తారు.

ముగ్గురు సాక్షుల సంతకాలు

వ్యాపారుల మధ్య ఒప్పందం ప్రకారం ఈ లెటర్ ప్యాడ్‌పై సరైన రెవెన్యూ స్టాంప్‌ను ఉంచి ఇరుపక్షాలు సంతకాలు చేశాయి. దీంతో పాటు ముగ్గురు సాక్షుల సంతకాలు కూడా సేకరించారు. ఇప్పుడు ఈ కండిషన్‌తో ఉన్న లెటర్ ప్యాడ్ సోషల్ మీడియాలో ఎక్కువగా వైరల్ అవుతోంది. దీనిపై మధ్యప్రదేశ్ ప్రజలు ఆశ్చర్యపోతున్నారు. గెలుపు ఓటములపై ​​పందెం కాస్తున్న రెండు పార్టీలూ సాహు వర్గానికి చెందినవారే కావడం విశేషం.

Bet On Victory Of Kamal Nath

మరిన్ని జాతీయ వార్తల కోసం ఇక్కడ క్లిక్ చేయండి…