Breaking: CBSE 10, 12వ తరగతి పరీక్షల షెడ్యూల్ విడుదల..!

లాక్‌డౌన్‌ కారణంగా వాయిదాపడిన సీబీఎస్‌ఈ 10, 12వ తరగతి పరీక్షల షెడ్యూల్ విడుదలైంది. జూలై 1 నుంచి 15వరకు 12వ తరగతి పరీక్షలు జరుగుతాయని అధికారులు ప్రకటించారు. ఇక ఈశాన్య ఢిల్లీలో జరగాల్సిన 10వ తరగతి పరీక్షలు కూడా జూలై 1 నుంచి 15 వరకు జరుగుతాయని అధికారులు తెలిపారు. పరీక్షలు హాజరయ్యే విధ్యార్థులు మాస్క్‌ తప్పనిసరిగా ధరించాలని పేర్కొన్నారు. అలాగే కరోనా నిబంధనలు పాటించాలని సూచించారు. ఈ మేరకు మానవ వనరుల అభివృద్ధి శాఖ మంత్రి రమేష్ పొక్రియల్ నిశాంక్ సోషల్ మీడియాలో డేటా షీట్‌ను విడుదల చేస్తూ.. 10, 12వ తరగతి విద్యార్థులకు ఆల్ ది బెస్ట్ చెప్పారు. మొత్తం 29 పరీక్షలకు షెడ్యూల్ విడుదలైంది. కాగా కరోనా నేపథ్యంలో సీబీఎస్ఈ పరీక్షలకు బ్రేక్ పడింది. ఇదిలా ఉంటే దేశవ్యాప్తంగా నాలుగో దశ లాక్‌డౌన్ ఈ నెలాఖరు వరకు పొడిగించిన విషయం తెలిసిందే.

Read This Story Also: రైల్వే అనౌన్స్‌మెంట్: టి‌కెట్ బుకింగ్ లో కొత్త మార్గదర్శకాలు…ఇవి తప్పనిసరి