యూపీలో కలకలం.. మదర్సాలో మారణాయుధాలు

ఉత్తరప్రదేశ్‌లోని ఓ మదర్సాలో మారణాయుధాలు లభించడం కలకలం రేపింది. బిజనోర్ జిల్లా పరిధిలోని షేర్‌కోట్ పోలీస్ స్టేషన్‌ పరిధిలో ఈ ఘటన చోటుచేసుకుంది. సంఘ విద్రోహ శక్తులు కొందరు తరచూ ఈ మదర్సాను సందర్శిస్తున్నారన్న పక్కా సమాచారం అందడంతో పోలీసులు తనిఖీలు చేపట్టారు. ఈ సందర్భంగా అక్కడ ఐదు పిస్తోళ్లతో పాటుగా.. కొంత మందుగుండు సామాగ్రి లభించింది. వాటిని స్వాధీనం చేసుకున్న పోలీసులు.. ఆరుగురిని అరెస్ట్ చేశారు. ఆ మదర్సాలో ఉన్న ఓ స్విఫ్ట్ డిజైర్ కారును కూడా స్వాధీనం చేసుకున్నారు. ఘటనపై కేసు నమోదు చేసుకున్న పోలీసులు.. దర్యాప్తు చేపడుతున్నారు.