‘టిక్ టాక్’ ఫిల్మ్ ఫెస్టివల్.. ఇది జోక్ కాదు గురూ!

టిక్‌టాక్‌..టిక్‌టాక్‌ సోషల్ మీడియాలో ఎక్కడ చూసిన ఇవే వీడియోలు. అతి తక్కువ కాలంలోనే మిలియన్ యూజర్లను దక్కించుకున్న ఈ యాప్ సామాజిక మాధ్యమాల్లో ఓ సెన్సేషన్. ఇక ఇప్పుడు పూణేలో కొంతమంది ఈ యాప్ పేరుతో ఫిల్మ్ ఫెస్టివల్‌ను నిర్వహిస్తున్నారు. జోక్ కాదండీ.. ఇది నిజమే.. ప్రకాశ్‌ యాదవ్‌, సూరజ్‌ లోఖండే అనే ఇద్దరు వ్యక్తులు ఈ కార్యక్రమానికి శ్రీకారం చుట్టారు. జులై 24న ప్రారంభమైన ఈ ఫెస్టివల్‌..ఆగస్టు 20 వరకు కొనసాగుతుంది.

నూతన టాలెంట్‌ను ప్రోత్సహించడం కోసం వారు ఈ కార్యక్రమానికి శ్రీకారం చుట్టారు. ఇందులో 12 కేటగిరీలు ఉంటాయి. కామెడీ, సామాజిక సందేశం, పర్యావరణ పరిరక్షణ, సంబంధ బాంధవ్యాలు, విద్య తదితర అంశాలుంటాయి. వయో పరిమితి లేదు. ఎవరైనా ఈ ఈవెంట్‌లో పాల్గొనవచ్చు. మొదటి బహుమతి రూ.33,333. రెండో బహుమతి రూ. 22,222, మూడో బహుమతి రూ.5,555, నాలుగో బహుమతి రూ.3,333 గా నిర్ణయించారు. నగదుతో పాటు సర్టిఫికేట్‌, ట్రోఫీని కూడా అందిస్తున్నారు. మరో విషయమేమిటంటే.. అసభ్యతకు అసలు తావు లేకుండా ఈ ప్రోగ్రామ్‌ను నిర్వహిస్తున్నారు.