Visa Free Travel: థాయ్లాండ్ నుండి మారిషస్ వరకు.. వీసా టెన్షన్ లేని పర్యాటక స్వర్గాలు ఇవే!
వీసా కోసం క్యూలో నిలబడాల్సిన అవసరం లేదు.. భారీ ఫీజులు కట్టక్కర్లేదు.. మీ పాస్పోర్ట్ పవర్తో 2026లో మీరు ప్రపంచాన్ని చుట్టేయవచ్చు. థాయ్లాండ్ బీచ్ల నుండి ఫిలిప్పీన్స్ జలపాతాల వరకు.. మీ జేబుకు చిల్లు పడకుండా విదేశీ యాత్ర చేయాలనుకుంటున్నారా? అయితే ఈ 6 వీసా-ఫ్రీ దేశాల లిస్ట్ మీకోసమే. ఇప్పుడే ఈ దేశాలకు ప్లాన్ చేసుకోండి!
విదేశీ ప్రయాణం అంటే కేవలం ధనవంతులకే సాధ్యం అనుకుంటే పొరపాటే! భారతీయ పర్యాటకుల కోసం 2026లో కొన్ని దేశాలు వీసా నిబంధనలను ఎత్తివేశాయి. తక్కువ ఖర్చుతో, ఎంతో విలాసవంతంగా గడపాలి అనుకునే వారికి ఇదొక మంచి అవకాశం. మిగతా దేశాల్లా కాకుండా వీసా టెన్షన్ లేకుండా విదేశాల్లో వాలిపోవచ్చు. ఆ వివరాలేంటో ఈ కథనంలో చూద్దాం.
1. థాయ్లాండ్
భారతీయులకు థాయ్లాండ్ ఎప్పటికీ ఫేవరెట్. బ్యాంకాక్ స్ట్రీట్ ఫుడ్ నుండి ఫుకెట్ బీచ్ల వరకు ఇక్కడ అన్నీ అందుబాటు ధరలోనే ఉంటాయి. నవంబర్ నుండి ఏప్రిల్ మధ్య ఇక్కడికి వెళ్లడం ఉత్తమం.
2. మలేషియా
కువాలాంపూర్ నగర అందాలు, పెనాంగ్ స్ట్రీట్ ఫుడ్ మలేషియా ప్రత్యేకత. ఇక్కడ బడ్జెట్ హోటళ్లు, పబ్లిక్ ట్రాన్స్పోర్ట్ చాలా చౌక. భారతీయ రుచులు కూడా ఇక్కడ విరివిగా లభిస్తాయి.
3. మారిషస్
హనీమూన్ జంటలకు ఇది ఒక స్వర్గం. నీలిరంగు సముద్రం, పగడపు దీవులకు మారిషస్ పెట్టింది పేరు. వీసా అవసరం లేకపోవడంతో మీరు ఆ డబ్బును వాటర్ స్పోర్ట్స్ కోసం వాడుకోవచ్చు.
4. ఫిజీ
ప్రశాంతత కోరుకునే వారికి ఫిజీ బెస్ట్. ఇక్కడి గ్రామీణ జీవనం, బీచ్లు మిమ్మల్ని మంత్రముగ్ధులను చేస్తాయి. విమాన ప్రయాణం కొంచెం ఖరీదైనదైనా, దేశంలో ఖర్చులు మాత్రం చాలా తక్కువ.
5. బార్బడోస్
వైట్ సాండ్ బీచ్లు, రమ్ టూర్లు బార్బడోస్ స్పెషాలిటీ. ఇతర కరేబియన్ దీవులతో పోలిస్తే ఇది చాలా బడ్జెట్ ఫ్రెండ్లీ. ఇక్కడి స్థానిక సీఫుడ్ మార్కెట్లను అస్సలు మిస్ అవ్వకండి.
6. ఫిలిప్పీన్స్
7,000 కంటే ఎక్కువ దీవులున్న ఈ దేశం సాహస ప్రియులకు కేరాఫ్ అడ్రస్. జలపాతాలు, సున్నపురాయి కొండలు ఇక్కడ అద్భుతంగా ఉంటాయి. అడ్వెంచర్ ఇష్టపడే వారికి ఇది సరైన ఎంపిక.