Lifestyle: ఈ సమస్యలున్న వారికి కొబ్బరి నీరు చాలా డేంజర్‌.. అవేంటంటే..

ఎండ నుంచి తిరిగి వచ్చిన తర్వాత పచ్చి మామిడి షర్బత్ తాగితే ఆరోగ్యానికి మేలు చేస్తుంది. వేడి వాతావరణంలో రోజుకు మూడు సార్లు ఈ డ్రింక్ తాగడం వల్ల ఎలాంటి హాని తలెత్తదు. పచ్చి మామిడి, జీలకర్ర, సోపు, బీట్‌రూట్ వంటి పదార్థాలు శరీరాన్ని చల్లగా ఉంచి, తక్షణ శక్తిని అందిస్తాయి. బయటికి వెళ్లాక అలసిపోయినట్లు అనిపిస్తే వెంటనే కొబ్బరి నీళ్లు తాగాలి. కొబ్బరి నీళ్లలో ఎలక్ట్రోలైట్స్ ఉంటాయి. ఇది శారీరక బలహీనతను తగ్గించడంలో సహాయపడుతుంది. అలాగే శరీరాన్ని చల్లగా ఉంచుతుంది.

కొబ్బరి నీరు ఆరోగ్యానికి చాలా మేలు చేస్తుందని తెలిసిందే. ఇందులోని విటమిన్ సి, విటమిన్ ఇ, ఐరన్, కాల్షియం, కాపర్, ఫాస్పరస్, పొటాషియం, మెగ్నీషియం వంటి పోషకాలు ఆర్యోగ్యాన్ని సంరక్షించడంలో ఎంతగానో ఉపయోగపడతాయి. రోగనిరోధక శక్తిని పెంపొందించడంతో పాటు జీర్ణ సమస్యలను దరిచేరకుండా చేస్తుంది. అయితే ఆరోగ్యానికి మేలు చేసే కొబ్బరి నీళ్లు కొందరికి మాత్రం మంచిది కాదని నిపుణులు చెబుతున్నారు. ఇంతకీ కొబ్బరి నీరుకు ఎవరు దూరంగా ఉండాలో ఇప్పుడు తెలుసుకుందాం..

* కిడ్నీ సంబంధిత వ్యాధులు ఉన్నవారు కొబ్బరినీళ్లు అస్సలు తాగకూడదు. ఇందులో పొటాషియం అధికంగా ఉంటుంది. దీంతో కిడ్నీలు కొబ్బరి నీళ్లను సరిగ్గా ఫిల్టర్ చేయలేవు. దీని వల్ల అది తాగిన తర్వాత కిడ్నీలో పేరుకుపోవడం ప్రారంభమవుతుంది. తర్వాత కిడ్నీ సంబంధిత వ్యాధికి దారి తీస్తుంది.

* మధుమేహ వ్యాధిగ్రస్తులు కొబ్బరినీళ్లకు దూరంగా ఉండాలి. ఇందులో గ్లైసెమిక్ ఇండెక్స్ చాలా ఎక్కువగా ఉంటుంది. కార్బోహైడ్రేట్ల పరిమాణం వల్ల రక్తంలో చక్కెర స్థాయి వేగంగా పెరుగుతుంది. డయాబెటిస్ ఉన్నట్లయితే, వైద్యుని సలహా మేరకు మాత్రమే కొబ్బరి నీళ్ళు తీసుకోవాలి.

* అలర్జీ ఉన్నవారు కొబ్బరినీళ్లు తాగకూడదు. ఇలా చేయడం వల్ల దురద, మంట, ఎరుపు వంటి సమస్యలు వస్తాయి. కొబ్బరినీళ్లు తాగడం వల్ల శరీరం వాపు, శ్వాస తీసుకోవడంలో ఇబ్బంది ఏర్పడుతాయి.

* అధిక రక్తపోటుతో బాధపడేవారు కూడా వైద్యుల సలహా మేరకు మాత్రమే కొబ్బరి నీళ్లను తాగాలి. కొబ్బరి నీళ్లలో పొటాషియం ఉంటుంది. బీపీ ట్యాబ్లెట్స్‌ వాడే వారు కొబ్బరి నీరు తాగితే సమస్య ఎక్కువయ్యే అవకాశం ఉంటుంది.

నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.

మరిన్ని లైఫ్ స్టైల్ వార్తల కోసం క్లిక్ చేయండి..