Health Benefits of Seafood: మటన్, చికెన్ ల కంటే సీఫుడ్స్ ఐన చేపలు, పీటలు, రొయ్యలు ఆరోగ్యానికి అత్యంత మేలు

Health Benefits of Seafood: మాంసాహారం లో మటన్, చికెన్ ల కంటే సీఫుడ్ ఆరోగ్యానికి అత్యంత మేలు చేస్తాయని ఆరోగ్య నిపుణులు అంటున్నారు. సీఫుడ్స్ ఐన చేపలు, పీటలు, రొయ్యలు వంటివి శరీరానికి అవసరమైన అనేక ప్రోటీన్లను అందిస్తాయి. చేపల్లో ప్రోటీన్లు, ఒమేగా -3 ఫ్యాటీ యాసిడ్స్ పుష్కలంగా ఉండి.. గుండె ఆరోగ్యానికి మేలు చేస్తాయి. అంతేకాదు చేపలు మెదడుకు మేలు కలిగిస్తాయి. స్త్రీలలో పునరుత్పత్తి అవయవాల ఆరోగ్యానికి కూడా ఈ చేపలు దోహదం చేస్తాయి. ఇక మధుమేహ వ్యాధితో బాధపడే వారు చేపలు తినడం అత్యంత శ్రేష్టం.. ముఖ్యంగా చిన్న చేపలు మరింత ఆరోగ్యాని కలిస్తాయి..

ప్రోటీన్, కొవ్వు, ఒమేగా-3 ఫ్యాటీ యాసిడ్, విటమిన్ సి, బీ 6, క్యాల్షియం, ఐరన్, మెగ్నీషియం, సోడియం, పొటాషియం, వంటిఖనిజ లవణాలను పీత కలిగి ఉంటుంది. దీంతో పీతలు దంతాలకు, ఎముకలకు దారుఢ్యాన్నిస్తాయి. మధుమేహ రోగులకు నాడీ వ్యవస్థకు, గుండె కు బలం, కంటి చూపు కు పీతలు ఎంతో ఉపయోగ పడతాయి.

రొయ్యల్లో కూడా కొవ్వు, విటమిన్లు, మెగ్నీషియం, ప్రోటీన్లు వంటి ఖనిజ లవణాలుకలిగి ఉంటాయి. ఇవి క్యాన్సర్ నివారణ తో పాటు దంతాల, ఎముకల ధృడత్వానికి మేలు చేస్తాయి. కాలేయానికి కళ్ళకు, చర్మానికి మేలు చేస్తాయి.. కనుక నాన్ వెజ్ ప్రియులు.. చికెన్, మటన్ ల కంటే.. సీ ఫుడ్ వైపు దృష్టి పెడితే.. రుచి కి రుచి.. ఆరోగ్యానికి ఆరోగ్యం.

Also Read: సామాజిక, ఆర్థిక సంస్కరణలు అమలుచేయాలని ట్యునిషియన్లు ఆందోళన.. వెయ్యి మంది అరెస్ట్